26.07.2026 | 12:28
Վթարային ջրանջատում Երևանում և Արարատում
Ալբանիայում առգրավել են Ադրբեջանի տարածքով ռուսական նավթ տեղափոխող նավը
Քաղաքականություն
23.02.2023 | 15:55
Ալբանիայի ոստիկանությունը երկուշաբթի Դուրես ծովափնյա քաղաքում արգելափակել է Լիբերիայում գրանցված նավը, որը տեղափոխել է ռուսական նավթ։ Իշխանությունները հայտնում են, որ գործողության արդյունքում ձերբակալվել է 22 մարդ, գրում է balkaninsight-ը։
Հաղորդվում է, որ առգրավված 22,500 տոննա նավթի շուկայական արժեքը կազմում է ավելի քան 40 միլիոն եվրո։
«Նավը ճանապարհորդությունը սկսել է Ադրբեջանից, նշվում է, որ նավթը բեռնվել է Հունաստանի Կալամատա քաղաքում մեկ այլ նավից»,- հայտնել են ոստիկանությունից:
Նշվում է նաև, որ նավի անձնակազմը չի կարողացել Ալբանիայի իշխանություններին փաստարկված համոզել, որ նավթը Ռուսաստանից չէ։
Ալբանիան աջակցում է Ռուսաստանի դեմ արևմտյան պատժամիջոցներին, որոնք սահմանվել են Ուկրաինայի դեմ Մոսկվայի սանձազերծած պատերազմի պատճառով:
Էմմա Չոբանյան
;
