20.02.2026 | 22:40
Երկրպագուները հավաքվում են Ճապոնիայի կենդանաբանական այգում՝ տեսնելու համացանցում ճանաչում ձեռք բերած փոքրիկ կապիկին. ՏԵՍԱՆՅՈՒԹ
Փաշինյանը` Հաագայի դատարանի որոշման մասին. Միրզոյանն օգնություն է տանում Սիրիա. Լուրեր
23.02.2023 | 13:44
- Կառավարության այսօրվա նիստում Նիկոլ Փաշինյանն անդրադարձավ Արդարադատության միջազգային դատարանի որոշմանը՝ նշելով, որ դատարանը վերահաստատեց ՀՀ դիրքորոշումը, որ 2020 թվականի նոյեմբերի 9-ի եռակողմ հայտարարությամբ Լաչինի միջանցքը չպետք է լինի Ադրբեջանի վերահսկողության ներքո, և Ադրբեջանը նույն փաստաթղթով պարտավոր է երաշխավորել Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը ԼՂ-ից դեպի Հայաստան ու Հայաստանից դեպի ԼՂ, և Լաչինի միջանցքը պետք է լինի ՌԴ խաղաղապահ զորախմբի վերահսկողության ներքո:
- Ավերիչ երկրաշարժից տուժած շրջաններին մարդասիրական օգնության երրորդ խմբաքանակը հասցնելու նպատակով փետրվարի 23-ին ՀՀ արտաքին գործերի նախարար Արարատ Միրզոյանը կմեկնի Սիրիա: ԱԳՆ-ից հայտնում են, որ այցի շրջանակում Արարատ Միրզոյանը հանդիպումներ կունենա Սիրիայի նախագահի և ԱԳ նախարարի հետ:
- Մարդասիրական նոր բեռի խմբաքանակը 32 տոննա է, ներառում է սնունդ և դեղորայք: Այն Սիրիա է ուղարկվել Երևանի «Էրեբունի» օդանավակայանից:
Այս ժամի լուրերը՝ տեսանյութում։
