14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հարավային Աֆրիկան, ՌԴ-ն և Չինաստանը համատեղ ռազմածովային զորավարժություններ են անցկացնում
Քաղաքականություն
21.02.2023 | 22:47
Աֆրիկայի հարավային ափերի մոտ անցկացվում են Հարավային Աֆրիկայի, Ռուսաստանի և Չինաստանի ռազմածովային ուժերի՝ «Մոզի 2» ծածկանունով համատեղ զորավարժությունները, հաղորդում է Euronews-ը։
Ռուսաստանը զորավարժություններում ներկայացնում են վերջերս շահագործման հանձնված «Ադմիրալ Գորշկով» ֆրեգատը և միջին ծովային «Կամա» նավը, Չինաստանը՝ կործանիչ, ֆրեգատ և օժանդակ նավ, Հարավային Աֆրիկան՝ մեկ ֆրեգատ և երկու օժանդակ նավ։
Զորավարժությունները կանցկացվեն մինչև փետրվարի 28-ը։ Դրանց նպատակն է «գործառնական հմտությունների և գիտելիքների փոխանակումը», ինչպես նաև երկրների միջև հարաբերությունների ամրապնդումը։
«Չինաստանի, Ռուսաստանի և Հարավային Աֆրիկայի համատեղ ռազմածովային զորավարժությունները հարուստ են բովանդակությամբ, որոնք ներառում են տասնյակ թեմաներ, ինչպիսիք են ծովահենության դեմ պայքարը, հակաօդային պաշտպանությունը և ուղղաթիռների վայրէջքները միմյանց նավերի վրա: Համատեղ զորավարժությունները, անկասկած, կօգնեն կողմերին խորացնել փոխվստահությունը, հետագայում զարգացնել անվտանգության ոլորտում համագործակցությունը, բարելավել ծովային անվտանգությունը և է՛լ ավելի նպաստել համաշխարհային խաղաղությանը»,- ասել է Չինաստանի նավատորմի 42-րդ ուղեկցորդական ստորաբաժանման հրամանատար Հուան Չժոնգսին:
Սպասվում է, որ փետրվարի 22-ին նավերը կուղևորվեն բաց օվկիանոս՝ մշակելու տարբեր ծովային գործողությունների տարրեր։
Տաթև Ֆռանգյան
