14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՀՀ ԲՏԱ նախարարը Միջազգային պաշտպանական համաժողովին անդրադարձել է տեխնոլոգիական առաջընթացի արդի մարտահրավերներին
Քաղաքականություն
19.02.2023 | 20:42
Արաբական Միացյալ Էմիրություններ կատարած աշխատանքային այցի շրջանակում՝ ՀՀ բարձր տեխնոլոգիական արդյունաբերության նախարար Ռոբերտ Խաչատրյանը մասնակցել է «ԱՅԴԵՔՍ ԵՎ ՆԱՎԴԵՔՍ 2023» (IDEX&NAVDEX) ցուցահանդեսի շրջանակներում անցկացվող Միջազգային պաշտպանական համաժողովի բացմանը:
Ինչպես տեղեկացնում են ՀՀ ԲՏԱ նախարարությունից, միջոցառմանը բացման խոսքով հանդես է եկել ԱՄԷ պաշտպանության հարցերով պետնախարարը: Համաժողովի ընթացքում ոլորտի ներկա վիճակի և զարգացման վերաբերյալ բարձր մակարդակի քննարկումներ են տեղի ունեցել, մասնակցել են նախարարներ և պետական բարձրաստիճան պաշտոնյաներ ամբողջ աշխարհից: Համաժողովի շրջանակներում կազմակերպվել են չորս պանելային քննարկումներ։
Նախարար Ռոբերտ Խաչատրյանը մասնակցել է երկրորդ պանելային քննարկմանը՝ «Keeping Pace» խորագրով։ Նախարարն իր ելույթում անդրադարձել է տեխնոլոգիական առաջընթացի արդի մարտահրավերներին, հասարակության զարգացմանն ուղղված պետության դերի կարևորությանը, առաջադեմ տեխնոլոգիաների օրեցոր աճող ազդեցությանը և մի շարք այլ հարցերի:
Նշենք, որ փետրվարի 18-ին ՀՀ բարձր տեխնոլոգիական արդյունաբերության նախարար Ռոբերտ Խաչատրյանի գլխավորած պատվիրակությունն աշխատանքային այցով մեկնել է Արաբական Միացյալ Էմիրություններ՝ միջազգային պաշտպանական համաժողովին և «IDEX 2023» ռազմարդյունաբերական ցուցահանդեսին մասնակցելու նպատակով:
ՀՀ բարձր տեխնոլոգիական արդյունաբերության նախարարության համակարգմամբ «IDEX 2023» ցուցահանդեսին Հայաստանը կներկայանա միասնական տաղավարով՝ ներկայացնելով պաշտպանական և սպառազինության ոլորտներում 18 կազմակերպությունների կողմից առաջարկվող լուծումներ:
