Քաղաքականություն
17.02.2023 | 11:55
ԱՄՆ ներկայիս վարչակազմը շարունակում է աշխատել հարավային Կովկասում խաղաղության համար և ողջունում է ցանկացած ջանք, որը կօգնի հասնել հարատև խաղաղության։ Հերթական ճեպազրույցի ժամանակ նման հայտարարություն է արել ԱՄՆ Պետդեպարտամենտի փոխխոսնակ Վեդանտ Պատելը։
«Այս վարչակազմը՝ մենք, շարունակում ենք աշխատել Հարավային Կովկասում խաղաղության համար։ Այդ հարցը նաև անձամբ Պետքարտուղարի ուշադրության կենտրոնում է։ Եվ մենք ողջունում ենք ցանկացած ջանք, որը կօգնի մեզ հասնել հարատև խաղաղության»,- հայտարարել է Վեդանտ Պատելը։
Վերջինս նշել է, որ այս պահին որևէ տեղեկություն չունի, թե արդյոք Հարավային Կովկասի հարցերով պետքարտուղարի ավագ խորհրդական Լուիս Բոնոն կմիանա պետքարտուղար Բլինքենի Մյունխեն կատարելիք այցին:
Տաթև Ֆռանգյան
