05.11.2024 | 17:39
«Դիմակայունություն Սյունիք» ծրագրով մարզին 49 մլն եվրո պետք է հատկացվի․ Ռոբերտ Ղուկասյան․ ՏԵՍԱՆՅՈՒԹ
ԵՄ-ն համաձայնության չի եկել ՌԴ-ի դեմ պատժամիջոցների 10-րդ փաթեթի շուրջ
Քաղաքականություն
16.02.2023 | 16:04
Եվրամիության անդամներին չի հաջողվել համաձայնության գալ Ռուսաստանի դեմ պատժամիջոցների 10-րդ փաթեթի շուրջ։ Այս մասին գրում է Politico-ն։
Պետությունները չեն կարողացել համաձայնության գալ Ռուսաստանի Դաշնությունից կաուչուկի արտահանման սահմանափակումների շուրջ, Գերմանիան և Իտալիան դեմ են արտահայտվել այս որոշմանը: Մինչդեռ Լեհաստանը հանդես է եկել նման սահմանափակումների ներդրման օգտին։
Նշվում է, որ կաուչուկի որոշ տեսակներ արդեն իսկ պատժամիջոցների տակ են Ռուսաստանի դեմ սահմանափակումների նախորդ փաթեթների շրջանակում։
Սինթետիկ կաուչուկն օգտագործվում է անվադողերի օգտագործման մեջ։ Սինթետիկ կաուչուկի վաճառքը Ռուսաստանին տարեկան միլիարդավոր դոլարների եկամուտ է բերում։ Այսպես՝ 2021 թվականին Ռուսաստանի Դաշնությունն արտահանել է գրեթե 2 միլիարդ դոլարի կաուչուկ։ Այդ գումարից ԵՄ-ն ներմուծել է մոտ 700 մլն դոլարի սինթետիկ կաուչուկ։
Հիշեցնենք, որ Եվրահանձնաժողովը նախօրեին պաշտոնապես առաջարկել էր ԵՄ անդամ երկրների կողմից Ռուսաստանի դեմ պատժամիջոցների 10 փաթեթի հաստատումը։ ԵՄ-ն թիրախավորել է բազմաթիվ արտադրական ապրանքներ, որոնք Ռուսաստանին անհրաժեշտ են, բայց չեն կարող ստանալ այլ երկրներից, օրինակ՝ Չինաստանից:
Տաթև Ֆռանգյան
