Բաքուն «մտահոգված է» Հայաստանի և Թուրքիայի մերձեցումից

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Թուրքայում տեղի ունեցած աղետալի երկրաշարժերից հետո, որոնց հետևանքով հազարավոր մարդիկ են զոհվել ու վիրավորվել, Անկարային օգնության ձեռք մեկնեցին տասնյակ երկրներ, որոնց թվում է նաև Հայաստանը։ Նախ ՀՀ վարչապետ Նիկոլ Փաշինյանը ցավակցություն հայտնեց թվիթերյան գրառմամբ և օգնության առաջարկեց, որից հետո հեռախոսազրույց  ունեցավ Թուրքիայի նախագահ Ռեջեփ Թայիփ Էրդողանի՝ հայտնելով, որ Երևանը որոնողափրկարարական խումբ է ուղարկում։ Այնուհետև հայկական 27 հոգանոց փրկարակական խումբն ուղևորվեց երկրաշարժից տուժած Ադըյաման․ մինչ օրս հայ փրկարարները կարողացել են երեք մարդու ողջ դուրս բերել փլատակներից։

Փետրվարի 11-ին էլ, 1993 թվականից ի վեր առաջին անգամ, բացվեց հայ-թուրքական սահմանի անցակետը․ Մարգարայի կամրջով Հայաստանը 100 տոննա մարդասիրական օգնություն ուղարկեց Թուրքիա։ Նախօրեին էլ Հայաստանը նույն ճանապարհով մարդասիրական օգնության երկրորդ խմբաքանակն ուղարկեց։ Բացի այդ, նախօրեին ՀՀ ԱԳ նախարար Արարատ Միրզոյանն այցելեց Անկարա ու հանդիպեց Թուրքիայի իր գործընկերոջ Մևլութ Չավուշօղլուի հետ, որը շնորհակալություն հայտնեց Հայաստանին աղետից հետո ցուցաբերած աջակցության համար։

Բաքվում, ինչպես կարելի էր սպասել, բավական մտահոգությամբ են հետևում այս իրադարձություններին։ Առաջին իսկ օրերից՝ փետրվարի 7-ից ադրբեջանական քարոզչամեքենաները սկսեցին կեղծ լուրեր տարածել Հայաստանի օգնության և հայ փրկարարների խմբի աշխատանքի մասին։ Մասնավորապես, Ադրբեջանի Հանրային հեռուստաընկերությունը հայտնել էր, թե Հայաստանն օգնություն չի ուղարկել Թուրքիային, այն դեպքում, երբ թուրքական պետական և այլ լրատվականներն անդրադարձել էին հայ փրկարարների աշխատանքին։ Թուրքիայում գործող, սակայն Բաքվի կողմից ֆինանսավորվող Haber Global-ը տեղեկություններ էր տարածում, իբր, հայ պատգամավորների՝ Թուրքիայի երկրաշարժի վերաբերյալ հայտարարությունների մասին՝ նշելով, թե Հայաստանի օգնությունն «անկեղծ չէ»։

Ավելին՝ ադրբեջանական իշխանությունների քարոզչամեքենա Milli.az-ը բացահայտ կեղծիք է տարածել, թե թուրքական հետախուզության աշխատակիցները ձերբակալել են երկու հայ փրկարարների՝ «Ադըյամանում երկրաշարժի ժամանակ ավերված տներից թալան ու գողություն իրականացնելու համար»։ Այս կեղծիքը մինչ օրս հեռացված չէ կայքից։

Բացի այդ, սոցիալական ցանցերի ադրբեջանական տիրույթում նախօրեին իսկական «խանդի տեսարաններ էին» Արարատ Միրզոյանի և Մևլութ Չավուշօղլուի հանդիպման վերաբերյալ հրապարակումներում։

Վերլուծաբան Թուրան Ռզաևը, օրինակ, տեղական ԶԼՄ-ներին ասել է, թե Երևանն առաջին հերթին մտահոգված է «հայկական ծագումով թուրք քաղաքացիներին» օգնելով։

Քաղաքական մեկնաբան Ազեր Հասրաթն էլ հայտարարել է, թե հայ փրկարարներին չպետք է վստահել, և որ նրանք «չեն անհանգստացալ թուրքերին փրկելու մասին»։

«Նման իրավիճակում վստահելի չի թվում, որ հայ փրկարարների մոտ եղել է Թուրքիայում տեղի ունեցած երկրաշարժի հետ կապված փլատակների տակ մնացած մարդկանց փրկելու գաղափարը։ Բացառված չէ, որ հայ փրկարարները որևէ տհաճ արարք կատարեն»,- ասել է Ազեր Հասրաթը։

Քաղաքական մեկնաբան Շահին Ջաֆարլիի խոսքով էլ՝ Բաքուն դժգոհությամբ է հետևում Երևանի և Անկարայի մերձեցմանը՝ դատելով Թուրքիայի երկրաշարժից տուժած շրջաններին Հայաստանի օգնության հետ կապված հակաքարոզչությունից։

«Սխալ է ակնկալել և պահանջել, որ Թուրքիան ինդեքսավորի իր արտաքին քաղաքականությունը լիովին համահունչ Ադրբեջանի շահերին։ Ի վերջո, խոսքը երկու անկախ պետությունների մասին է, որոնք ունեն իրենց շահերը։ Այս շահերը երբեմն կարող են հակասել: Ադրբեջանը, որպես ժողովուրդ ու պետություն, պետք է ձերբազատվի Թուրքիայի հետ հարաբերություններում «երես առած փոքր եղբոր» հոգեբանությունից»,- գրել է Ջաֆարլին ֆեյսբուքյան իր էջում։

Էմմա Չոբանյան