05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Կապանում ապօրինի ծառահատման դեպք է բացահայտվել
Հասարակություն
15.02.2023 | 22:23
Ոստիկանության Կապանի բաժնի համայնքային ոստիկանության բաժանմունքում ստացված տեղեկությունները ստուգելու նպատակով փետրվարի 14-ին, ժամը 07.00-ի սահմաններում, Սյունիք բնակավայրի վարչական տարածքում ոստիկանները կանգնեցրել են «Ֆորդ Տրանզիտ» մակնիշի մեքենան: Այս մասին տեղեկանում ենք ՀՀ ոստիկանությունից։
Մեքենայի թափքում հայտնաբերվել է շուրջ 4 խորանարդ մետր փայտանյութ, որի վերաբերյալ վարորդը՝ Արծվանիկ բնակավայրի 56-ամյա բնակիչ, ներկայացրել է ժամկետանց հաշիվ-ապրանքագիր: Նա խոստովանել է, որ Դավիթ Բեկ բնակավայրի հարակից անտառից ապօրինի հատել է 2 բոխի:
Ավտոմեքենան տեղափոխվել է բաժնի հատուկ պահպանվող տարածք:
Կազմված փաստաթղթերն ուղարկվել են Սյունիքի մարզային քննչական վարչություն:
`
