25.11.2024 | 11:29
Մարդիկ տեղյակ չեն, որ դա ներդրում է, և գումար է ավելանում․ պատգամավորը՝ կուտակային կենսաթոշակի մասին․ ՏԵՍԱՆՅՈՒԹ
ՆԱՏՕ-ին Ուկրաինայի անդամակցության հարցում դիրքորոշման փոփոխություններ չկան․ Ստոլտենբերգ
Քաղաքականություն
15.02.2023 | 18:52
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքին Ուկրաինայի անդամակցության հարցում դիրքորոշման փոփոխություններ չկան, երկրները դեռ կենտրոնացած են Կիևին ռազմական աջակցություն ցուցաբերելու ուղղությամբ։
«ՆԱՏՕ-ի դիրքորոշումն Ուկրաինայի հարցում մնացել է անփոփոխ։ Մենք բազմիցս ասել ենք, որ Ուկրաինան դառնալու է դաշինքի անդամ, բայց հիմա կենտրոնացած ենք պատերազմում Ուկրաինայի հաղթանակի վրա։ Ուկրաինային ինտեգրելու, եվրատլանտյան համագործակցության ուղղությամբ նրա շարժն ապահովելու միակ ճանապարհն այն է, որ Ուկրաինան շարունակի գոյություն ունենալ որպես ինքնիշխան և անկախ պետություն»,- ասել է նա Բրյուսելում ՆԱՏՕ-ի պաշտպանության նախարարությունների ղեկավարների հանդիպումից հետո։
Ստոլտենբերգը հավելել է, որ դաշինքը դեռ «աշխատում է երկարաժամկետ հիմունքներով՝ օգնելով Ուկրաինային խորհրդային ժամանակաշրջանի զենքերից, դոկտրիններից և չափանիշներից անցնել ՆԱՏՕ-ի չափանիշներին, բարելավել պաշտպանության և անվտանգության հարցերում համատեղելիությունը»։
Տաթև Ֆռանգյան
