16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ստոլտենբերգը խոսել է ՆԱՏՕ-ին Շվեդիայի և Ֆինլանդիայի շուտափույթ անդամակցության կարևորության մասին
Քաղաքականություն
14.02.2023 | 17:35
ՆԱՏՕ-ի ղեկավար Յենս Ստոլտենբերգը հայտարարել է, թե կարևոր է, որ Շվեդիան և Ֆինլանդիան հնարավորինս շուտ միանան ՆԱՏՕ-ին, սակայն, միևնույն ժամանակ, նրանց հայտի վավերացումը «հիմնական հարցը չէ», գրում է AFP-ն։
Նշենք, որ ՆԱՏՕ-ին Սկանդինավյան երկրների անդամակցության հայտը միայն Թուրքիան և Հունգարիան չեն վավերացրել։
«Հիմնական հարցն այն չէ՝ արդյո՞ք Շվեդիայի և Ֆինլանդիայի հայտերը միասին կվավերացվեն։ Հիմնական հարցն այն է, որ երկուսն էլ դառնան լիիրավ անդամներ հնարավորինս շուտ։ Ես վստահ եմ, որ երկուսն էլ կլինեն լիիրավ անդամներ, և մենք քրտնաջան աշխատում ենք, որպեսզի երկուսն էլ որքան հնարավոր է՝ շուտ վավերացվեն»,- ասել է Ստոլտենբերգը։
Հավելենք, որ Թուրքիան հրաժարվում է վավերացնել հայտերը՝ Շվեդիայից պահաջելով արտահանձնել «քուրդ ահաբեկիչներին»։
Անկարան բուռն արձագանքեց նաև Շվեդիայի ոստիկանության որոշմանը, որը թույլ էր տվել բողոքի ցույց անցկացնել, որի ժամանակ աջ ծայրահեղականն այրել էր Ղուրանի պատճենը Ստոկհոլմում Թուրքիայի դեսպանատան մոտ: Այս ակցիայից հետո թուրքական իշխանությունները սկսեցին հայտարարություններ անել, որ, միգուցե, դիտարկեն Ֆինլանդիայի հայտի վավերացումը Շվեդիայից առանձին։
Էմմա Չոբանյան
