25.11.2024 | 12:15
Իրակլի Կոբախիձեն ներկայացրել է Վրաստանի կառավարության նոր կազմը
ՌԴ ԱԳՆ-ն հայտարարել է, թե Մոսկվան օտար երկրներին զենք չի վաճառում՝ «ժողովուրդներին իրար դեմ հանելու համար»
Քաղաքականություն
14.02.2023 | 23:12
ՌԴ ԱԳՆ չորրորդ եվրոպական դեպարտամենտի տնօրեն Յուրի Փիլիպսոնը հայտարարել է, թե «Ռուսաստանը, ի տարբերություն Արևմուտքի, օտար երկրներին զենք չի վաճառում՝ ժողովուրդներին իրար դեմ հանելու համար», գրում է «ՌԻԱ Նովոստին»։
«Ռազմատեխնիկական համագործակցության և այլ երկրների մոտեցումների միջև հիմնարար տարբերությունը գործընկերների արդարացված կարիքների չարաշահումների կտրականապես մերժումն է՝ սեփական անվտանգությունն ապահովելու համար»,- հայտարարել է ռուսաստանցի պաշտոնյան։
Ֆիլիպսոնի խոսքով՝ ՌԴ ռազմատեխնիկական համագործակցությունն այլ երկրների հետ զուտ գործնական նշանակություն ունի։
«Կարևոր է նաև այն, որ մենք գիտակցաբար զենք չենք վաճառում, որպեսզի ժողովուրդներին հանենք միմյանց դեմ՝ ի շահ սեփական շահերի։ Մեր ռազմատեխնիկական համագործակությունն ունի նեղ գործնական նշանակություն»,- հավելել է նա ՌԻԱ Նովոստիին տված հարցազրույցում։
Տաթև Ֆռանգյան
