16.11.2024 | 14:15
NYMEX. Թանկարժեք մետաղների գները նվազել են
Մեկ օրում բացահայտվել է հանցագործության 64 դեպք․ ՀՀ ոստիկանություն
Հասարակություն
14.02.2023 | 11:37
Ըստ ոստիկանության օպերատիվ հաղորդագրությունների ամփոփագրերի՝ փետրվարի 13-ից 14-ը Հայաստանի Հանրապետության ոստիկանության ստորաբաժանումները բացահայտել են հանցագործության 64 դեպք, որոնցից 2-ը՝ նախկինում կատարված. տեղեկացնում են ՀՀ ոստիկանությունից։
Մասնավորապես՝ թմրամիջոցի հայտնաբերման՝ 11, անձնական ունեցվածքի գողության՝ 8, ընտանեկան բռնության՝ 7, մարմնական վնասվածք պատճառելու և խարդախության` 5-ական, թմրանյութի իրացման՝ 4, խուլիգանության՝ 3, ապօրինի ծառահատման, պաշտոնեական լիազորությունների չարաշահման ու հոգեկան ներգործության՝ 2-ական, անձի առևանգման, ավազակային հարձակման, պետական-հասարակական ունեցվածքի գողության, յուրացնելու կամ վատնելու, շորթման, ավտոմեքենա փախցնելու, զենք-զինամթերքի առգրավման, պաշտոնատար անձի օրինական ծառայողական գործունեությանը միջամտելու, հոգեկան ներգործության, ապօրինի հրազեն պահելու, պոռնկագրական նյութեր կամ առարկաներ պատրաստելու, տարածելու կամ պահպանելու, կանխամտածված կեղծ գովազդի և սառը զենք կրելու՝ 1-ական դեպք։
Հայտնաբերվել են 2 անհետ կորած և 4 հետախուզվող։ Կամավոր ներկայացել է 1 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է անձնական ունեցվածքի գողության և բնակարանային գողության 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 6 պատահար. 8 մարդ ստացել է տարբեր աստիճանի մարմնական վնասվածքներ:
