25.11.2024 | 15:47
Կիպրոսը ծրագրում է անդամակցել ՆԱՏՕ-ին
Ադրբեջանի ԱԳ նախարարը Եգիպտոսի արտգործնախարարի հետ զրույցում բողոքել է Հայաստանից
Քաղաքականություն
13.02.2023 | 12:21
Եգիպտոս կատարած աշխատանքային այցի շրջանակներում Ադրբեջանի ԱԳ նախարար Ջեյհուն Բայրամովը նախօրեին հանդիպել է Եգիպտոսի ԱԳ նախարար Սամեհ Շուքրիի հետ։ Ադրբեջանի ԱԳՆ-ի հաղորդմամբ՝ հանդիպման ընթացքում քննարկվել են ՄԱԿ-ում, Չմիավորման շարժման, Իսլամական համագործակցության կազմակերպություններում և միջազգային այլ հարթակներում երկու երկրների համագործակցության հնարավորությունները, քննարկվել է փոխադարձ աջակցության կարևորությունը։
Բացի այդ Բայրամովը նաև բողոքել է Հայաստանից՝ դարձյալ կեղծելով փաստերը։ Նա, մասնավորապես, խոսել է տարածաշրջանում «խաղաղության, անվտանգության և համագործակցության հաստատման ուղղությամբ Ադրբեջանի նախաձեռնություններից» և պնդել, որ «չնայած այս ջանքերին՝ Հայաստանը շարունակում է սադրանքներ կազմակերպել և խարխլել գործընթացը»։
Հավելենք, որ Ադրբեջանի իշխանություններն արդեն երկու ամիս է՝ փակ են պահում Լաչինի միջանցքը՝ ավելի խորացնելով Արցախում հումանիտար ճգնաժամը։
Էմմա Չոբանյան
