20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Վրաերթի ելքով ՃՏՊ Ստեփանակերտում․ ՆԳՆ-ն հորդորում է զգոն լինել հովհարային անջատումների ժամանակ
12.02.2023 | 17:56
Փետրավարի 11-ին՝ ժամը 18:55-ին, ոստիկանության հերթապահ մասում հաղորդում է ստացվել, որ Հեքիմյան փողոցի թիվ 22 հասցեի դիմացի ճանապարհահատվածում ճանապարհատրանսպորտային պատահար է տեղի ունեցել:
Դեպքի վայր մեկնած ոստիկանության ծառայողները պարզել են, որ նույն օրը ժամը 18:50-ի սահմաններում, Ստեփանակերտ քաղաքի 33-ամյա բնակիչը վարելով «Ford Focus 2.0» ավտոմեքենան, Հեքիմյան փողոցի թիվ 22 հասցեի դիմացի ճանապարահատվածում վրաերթի է ենթարկել 45-ամյա բնակչուհի Մ. Բ.-ին։
Պատահարի հետևանքով վերջինս աջ արմնկահոդի քերծված վերք ախտորոշմամբ դիմել է հանրապետական բժշկական կենտրոն։ Նրա կյանքին վտանգ չի սպառնում։
«Հարգելի’ հայրենակիցներ
Ճանապարհային ոստիկանությունը երթևեկության բոլոր մասնակիցներին հորդորում է պահպանել երթևեկության անվտանգության կանոնները։
Հատկապես հովհարային անջատումների ժամանակ, և’ վարորդները և’ հետիոտները պարտավոր են հոսանքազրկված փողոցներում ցուցաբերել զգոնություն։
Այսպիսով, մեր պատասխանատվությամբ բացառենք անցանկալի դեպքերը»,-նշված է ՆԳՆ ոստիկանության հաղորդագրության մեջ։
