28.04.2026 | 13:53
Օդի ջերմաստիճանն աստիճանաբար կբարձրանա 5-9 աստիճանով
Ներդրումների ծավալը պետք է ավելացնենք՝ հասցնելով ՀՆԱ-ի 25 %-ի․ այժմ 18 % է․ Քերոբյան․ ՏԵՍԱՆՅՈՒԹ
Տնտեսություն
10.02.2023 | 12:42
Մեր տնտեսությունը փոփոխության ենթարկելու ճանապարհին պետք է էապես ավելացնել ներդրումների դերը տնտեսության մեջ՝ հասցնելով տարեկան ներդրումների ծավալը համախառն ներքին արդյունքի 25 տոկոսին։ Այս մասին Ազգային ժողովում հայտարարեց Էկոնոմիկայի նախարար Վահան Քերոբյանը։«Այժմ այդ թիվը 18 տոկոսի մոտակայքում է, դա անհրաժեշտ չափից ավելի քիչ է», – նշեց նախարարը։
Քերոբյանի խոսքով՝ 2022 թվականին ներդրումների ծավալն աճել է մոտ 22 տոկոսով, բայց դա չի մոտեցնում այն համամասնությանը, որի մասին խոսվում է։
Նախարարը հայտնեց, որ Էկոնոմիկայի նախարարության կողմից մշակվել և շուտով Կառավարության հաստատմանը կներկայացվի ներդրումային քաղաքականության ռազմավարությունը։
«Օտարերկրյա ներդրումների ներգրավման մեջ մեր առաջնային թիրախը լինելու են գլոբալ 500 ընկերությունները, որոնք գիտահետազոտական աշխատանքների վրա ծախսում են երկու անգամ ավելի շատ գումար, քան մնացած ամբողջ աշխարհը՝ կառավարությունները ներառյալ, ուստի՝ այդ ընկերություններից յուրաքանչյուրի մուտքը Հայաստան որակական նոր փոփոխություններ կմտցնի մեր տնտեսության մեջ», – նշեց նախարարը։
Մանրամասները՝ տեսանյութում։
