10.04.2026 | 21:00
Կալուգացի օլիգարխի զարմիկը երբ ասում է երաշխավոր՝ նկատի ունի տեր․ իսկ իրենց տերը հայտնի է՝ ով է․ Ռուբեն Ռուբինյան. ՏԵՍԱՆՅՈՒԹ
Թուրքիայում երկրաշարժից տուժած բանտում խռովություն է բարձրացրել․ երեք բանտարկյալ սպանվել է
Քաղաքականություն
09.02.2023 | 17:07
Թուրքիայի Արդարադատության նախարարությունը հայտնում է, որ երկրաշարժից տուժած Հաթայի բանտում բախումներ են եղել և երեք բանտարկյալ սպանվել է զինվորների կողմից։ Gercek-ը գրում է, որ երկրաշարժից տուժած Հաթայի բանտի բանտարկյալները, որոնց մերժել էին ավելի ապահով վայր տեղափոխել և իրենց ընտանիքների մասին տեղեկություններ փոխանցել, անկարգություններ են կազմակերպել՝ հրդեհելով շենքը և փորձելով փախչել։
Ըստ Արդարադատության նախարարության՝ բանտարկյալների և պահակների միջև ժամեր տևած բախումներից հետո ապստամբությունը ճնշվել է զինվորականների կողմից, որի հետևանքով սպանվել է երեք բանտարկյալ, վիրավորվել՝ 12-ը:
Ականատեսները պատմել են, որ բանտի շենքից ծուխ է բարձրացել, կրակոցներ են լսվել: Մոտ 250 բանտարկյալների փախուստի փորձը կանխվել է։
Սոցցանցերում տարածված տեսանյութում բազմաթիվ զինվորականներ են երևում բանտի բակում։ Բանտարկյալներին անկարգություններից հետո սկսել են տեղափոխել շրջակա նահանգների բանտեր, քանի որ երկրաշարժի հետևանքով շենքն օգտագործման ենթակա չէ։
Էմմա Չոբանյան
