16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Թուրքիայում երկու լրագրողների դեմ հետաքննություն են սկսել` երկրաշարժին կառավարության արձագանքը քննադատելու համար
Քաղաքականություն
08.02.2023 | 22:11
Թուրքիայում դատախազները հետաքննություն են սկսել երկու լրագրողների նկատմամբ՝ կապված երկու հզոր երկրաշարժերին կառավարության արձագանքի քննադատական լուսաբանման հետ, որոնք երկրում հազարավոր կյանքեր են խլել, գրում է Turkish Minute-ը։
Մասնավորապես, լրագրողներ Մերդան Յանարդաղը և Էնվեր Այսևերը Ստամբուլի Գլխավոր դատախազության կողմից հետաքննվում են Թուրքիայի Քրեական օրենսգրքի (TCK) 216-րդ հոդվածով՝ մարդկանց միջև թշնամություն և ատելություն սերմանելու մեղադրանքով։
Թուրքիայի վերջին գրեթե 100 տարվա ամենահզոր երկրաշարժը տեղի է ունեցել Գազիանթեփ քաղաքի մոտ, որտեղ ապրում է շուրջ 2 միլիոն մարդ, ինչպես նաև Սիրիայի հետ սահմանին։
Tele1 հեռուստաընկերության գլխավոր խմբագիր Յանարդաղը հետաքննվում է իր հեռուստածրագրում արված արտահայտությունների, իսկ Այսևերը, որը վարում է իր YouTube ալիքը, հետաքննության է ենթարկվում երկրաշարժի մասին սոցիալական ցանցերում գրառումների պատճառով։
Երկու լրագրողներն էլ քննադատել են կառավարությանն աղետին վատ արձագանքելու համար, քանի որ մտավախություն կա, որ հազարավոր մարդիկ փլատակների տակ են, և նրանց փրկելու հավանականությունն աստիճանաբար նվազում է:
Կառավարության պաշտոնյաներն իրենց հերթին հերքում են քննադատությունը՝ ասելով, որ ամեն ինչ վերահսկվում է, և որ անհրաժեշտ գործողություններ են ձեռնարկվում՝ ողջ մնացածներին փրկելու և մյուս տուժածներին առաջին անհրաժեշտության պարագաներով ապահովելու համար։
Հավելենք, որ մինչ այս էլ սոցցանցերի չորս օգտատեր է ձերբակալվել՝ երկրաշարժի վերաբերյալ «սադրիչ» գրառումների համար։
Էմմա Չոբանյան
