16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հյուսիսային Կորեան միջուկային ծրագիրը ֆինանսավորում է կիբերգողություններով․ ՄԱԿ
Քաղաքականություն
07.02.2023 | 22:31
Ըստ տարբեր գնահատականների՝ 2022 թվականին Հյուսիսային Կորեայի իշխանությունների հետ կապված հաքերները գողացել են 630 միլիոնից մինչև 1 միլիարդ դոլարի վիրտուալ ակտիվներ և կիբերարժույթներ: Այս մասին ասվում է ՄԱԿ-ի հատուկ զեկույցում, հայտնում է Reuters-ը։
«Վերջին ամիսներին կրիպտոարժույթի արժեքի փոփոխությունը, հավանաբար, ազդել է այս գնահատականների վրա, սակայն երկու գնահատականներն էլ ցույց են տալիս, որ 2022 թվականը ռեկորդային տարի էր Հյուսիսային Կորեայի կողմից վիրտուալ ակտիվների գողության համար»,- ասվում է ՄԱԿ-ի զեկույցում:
Փաստաթղթի հեղինակների խոսքով՝ ԿԺԴՀ-ից կիբերհանցագործների կիրառած մեթոդները վերջին մեկ տարում դարձել են «ավելի բարդ»՝ դժվարացնելով գողացված միջոցների հետագծումը։
Կիբերհարձակումների մեծ մասն իրականացվել է Հյուսիսային Կորեայի գլխավոր հետախուզական ծառայության կողմից վերահսկվող խմբերի կողմից։ Միայն վերջին վեց տարվա ընթացքում ԿԺԴՀ-ի կողմից վերահսկվող հաքերներն առգրավել են, ընդհանուր առմամբ, մոտ 1,2 միլիարդ դոլարի առցանց ակտիվներ:
Միջոցները հաճախ անանուն կերպով ներդրվել են կրիպտոարժույթներում, այնուհետև օգտագործվել Հյուսիսային Կորեայի միջուկային և հրթիռային ծրագրերը ֆինանսավորելու համար, ասվում է զեկույցում: ՄԱԿ-ի տվյալներով՝ Հյուսիսային Կորեան 73 բալիստիկ հրթիռ է արձակել 2022 թվականին և գնալով ավելի բացահայտ է սպառնում միջուկային զենքով։
Տաթև Ֆռանգյան
