16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
BBC-ն հրապարակել է Ուկրաինայում ՌԴ-ի կորուստների թիվը
Քաղաքականություն
03.02.2023 | 16:50
BBC-ի ռուսական ծառայությունը հրապարակել է Ուկրաինա ներխուժմանը մասնակցած ռուս զինվորակաների մահվան հաստատված թիվը՝ 13 030։ BBC-ն Mediazona-ի և կամավորների թիմի հետ բաց աղբյուրների հիման վրա պատերազմի սկզբից ի վեր վարում է ռուսական կորուստների վիճակագրությունը։
Ընդ որում՝ Ուկրաինայում կռված 500 ռուսաստանցիների մահվան մասին հաղորդումները հայտնվել են միայն վերջին շաբաթվա ընթացքում։ Վերջին երեք ամիսների ընթացքում մահացածների մեծ մասը մոբիլիզացվածներ են, կամավորներ և նախկին բանտարկյալներ։ Ուսումնասիրությունը ցույց է տալիս, որ վերջին շրջանում Ուկրաինայում զոհված ռուս զինվորների մահախոսականների մոտ 70 տոկոսը ուղեկցվում է ոչ թե զինվորական, այլ քաղաքացիական հագուստով մարդկանց լուսանկարներով, ինչը կարող է անուղղակի վկայել այն մասին, որ ավելացել են կորուստները մոբիլիզացվածների շրջանում։
Տաթև Ֆռանգյան
