23.06.2026 | 17:46
Թուրքիայում ավելի քան 200 մարդ է ձերբակալվել՝ Անկարայում նախանշված ՆԱՏՕ-ի գագաթնաժողովից առաջ
Թուրքիայի խնդիրն է դառնալ համաշխարհային տերություն․Էրդողան
Քաղաքականություն
02.02.2023 | 14:09
Թուրքիայի նախագահ Ռեջեփ Թայիփ Էրդողանը նախօրեին TRT հեռուստաալիքի եթերում պատասխանել է լրագրողների հարցերին։ Տեղական լրատվամիջոցների հաղորդմամբ՝ նա, մասնավորապես, նշել է, թե «Թուրքիան հաստատվել է, որպես տարածաշրջանային տերություն։ Հիմա էլ խնդիրն է՝ դառնալ համաշխարհային տերություն»։Էրդողանը անդրադարձել է նաև ուկրաինական պատերազմին։ Նա նշել է, որ հաճախ է հանդիպում ՌԴ-ի ու Ուկրաինայի ղեկավարներին։
«Այս բանակցություններում, որոնք ես անվանում եմ առաջնորդական դիվանագիտություն, նրանք նույնպես պատրաստակամ են։ Եթե մենք այս բանակցությունները չանենք, հնարավոր չէ արդյունքի հասնել։ Աշխարհը պետք է որ արդեն տեսած լինի, թե որքան կարևոր են անձնական հարաբերություններն այս գործընթացում: Ոչ մի եվրոպական երկիր այսքան համարձակ չի եղել, որքան մենք՝ նախաձեռնություն ցուցաբերելիս: Մենք միշտ եղել ենք հացահատիկային միջանցքի, գերիների փոխանակման, ատոմակայանի անվտանգության և մարդասիրական օգնության լուծումների մի մասը։ Մենք միշտ պատրաստ ենք ստանձնել միջնորդական պարտականությունը»,-ասել է Էրդողանը։
Նա նաև նշել է, որ Շվեդիայից ակնկալում են քայլեր «իսլամաֆոբիայի դեմ պայքարում»։ Անկարան սպասում է, որ Շվեդիան ու Ֆինլանդիան կատարեն իրեն պարտականությունները ՆԱՏՕ-ին անդամակցելու համար։
Էմմա Չոբանյան
