14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԵՄ-ում առաջին անգամ վերականգնվող էներգիայի սպառումը գերազանցել է բնական գազինը
Քաղաքականություն
31.01.2023 | 16:31
2022 թվականին Եվրամիությունն առաջին անգամ ավելի շատ էներգիա է ստացել վերականգնվող աղբյուրներից, քան գազի այրումից։ Նման տվյալներ են բերված Ember վերլուծական կենտրոնի զեկույցում, որը հետազոտություն է իրականացնում ԵՄ կլիմայական քաղաքականության վերաբերյալ, գրում է DW-ի ռուսական ծառայությունը։
Համաձայն կենտրոնի հաշվարկների՝ անցյալ տարի ԵՄ-ում արևային ու քամուց ստացած էներգիային բաժին է ընկել արտադրված էներգիայի շուրջ 22 %-ը, ինչն աննախադեպ ցուցանիշ է։ Գազի այրմանը բաժին է ընկել շուրջ 20 %-ը, և սա մեկ տոկոսային կետով պակաս է, քան 2021 թվականին։
ԵՄ երկրները 2022 թվականին արտադրել են 203 տերավատտ/ժամ արևային էներգիա՝ 39 ՏՎտ/ժ-ով կամ 24 %-ով ավելի, քան նախորդ տարի։ Դա թույլ է տվել մոտ 10 միլիարդ եվրո խնայել գազի գնումների վրա, գրում են Ember-ի վերլուծաբանները։ Քամու ստացված էներգիան ԵՄ-ում կազմել է 420 ՏՎտ/ժ՝ 33 ՏՎտ/ժ-ով ավելի, քան 2021 թվականին։
«Ճգնաժամը, անշուշտ, արագացրել է էներգետիկ անցումը Եվրոպայում», – ասում է Ember-ի տվյալների վերլուծության ղեկավար Դեյվ Ջոնսը: Ուկրաինայում Ռուսաստանի Դաշնության սանձազերծած պատերազմը և Եվրոպա ռուսական գազի մատակարարումների կտրուկ կրճատումը ստիպեցին բազմաթիվ երկրների փնտրել էներգիայի այլընտրանքային աղբյուրներ։
Տաթև Ֆռանգյան
