05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
Ռուսաստանը Դոնեցկի շրջանում հարձակման է պատրաստվում․բրիտանական հետախուզություն
Քաղաքականություն
31.01.2023 | 13:56
Վերջին երեք օրվա ընթացքում Ռուսաստանը Պավլովկա և Ուգլեդար քաղաքների մոտ հետախուզական գործողությունները վերածել է համակարգված հարձակման։ Այս մասին ասվում է բրիտանական հետախուզության՝ ուկրաինական պատերազմի 342-րդ օրվան վերաբերող զեկույցում, գրում է BBC-ի ռուսական ծառայությունը։
Գործողություններում կրկին ներգրավված են 155-րդ գնդի ստորաբաժանումները։ Նրանք մի քանի հարյուր մետր առաջ են գնացել Քաշլագաչ գետից այն կողմ, որը մի քանի ամիս հանդես էր գալիս որպես շփման գիծ։
Զեկույցում ասվում է, որ ռուսական հրամանատարությունը, հավանաբար, մշակում է հարձակման նոր ուղղություն Ուկրաինայի հսկողության տակ գտնվող Դոնեցկի շրջանում, որպեսզի ուկրաինական բանակին շեղի Բախմուտից։ Ըստ հետախուզության՝ ՌԴ-ն, հավանաբար, կշարունակի տեղային հաջողություններ գրանցել Բախմուտի ուղղությամբ, սակայն Ռուսաստանը չունի բավականաչափ զորք՝ էական բեկման հասնելու համար։
Էմմա Չոբանյան
