25.11.2024 | 13:28
Բեռնատարն ընկել է գետը, վարորդը մահացել է
Իսրայելը և ԱՄՆ-ն ամեն ինչ կանեն, որպեսզի Իրանը միջուկային զենք չստեղծի. Նեթանյահու
Քաղաքականություն
31.01.2023 | 13:31
Իսրայելը և ԱՄՆ-ն ամեն ինչ կանեն, որպեսզի Իրանին թույլ չտան միջուկային զենք և դրա ստացման համար միջոցներ ձեռք բերել։ Այս մասին հայտարարել է Իսրայելի վարչապետ Բենիամին Նեթանյահուն Երուսաղեմում ԱՄՆ պետքարտուղարի հետ համատեղ մամուլի ասուլիսի ժամանակ, փոխանցում է «Ուկրինֆորմը»։
«Մեր քաղաքականությունն ու իմ քաղաքականությունն այն է, որ հնարավոր ամեն ինչ անենք, որպեսզի թույլ չտանք Իրանին միջուկային զենք և դրա ստացման միջոցներ ձեռք չբերել: Սա մնում է անփոփոխ: Այն փաստը, որ մենք և Միացյալ Նահանգները միասին աշխատում ենք, նույնպես կարևոր է այս ընդհանուր նպատակի համար», – ասել է Իսրայելի կառավարության ղեկավարը։
Նեթանյահուն նաև հայտարարել է, թե «աշխարհն ականատես է եղել Թեհրանի ռեժիմի բարբարոսությանը, մասնավորապես սեփական ժողովրդի նկատմամբ, ինչպես նաև Թեհրանի կողմից ագրեսիայի արտահանմանը իր սահմաններից և Մերձավոր Արևելքի տարածաշրջանից դուրս»։
Հիշեցնենք, որ հունվարի 28-ի լույս 29-ի գիշերը Իրանում մի շարք պայթյուններ են տեղի ունեցել ռազմավարական օբյեկտներում՝ ռազմական պահեստներում, զինամթերքի արտադրության կենտրոնում, ավիաբազայում և նավթավերամշակման գործարանում։
Տաթև Ֆռանգյան
