10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Քաղհասարակությունը չպետք է համախմբվի Կառավարության շուրջ․ Էդմոն Մարուքյան․ ՏԵՍԱՆՅՈՒԹ
Հասարակություն
14.06.2018 | 14:50
Ազգային ժողովի «Ելք» խմբակցության պատգամավոր Էդմոն Մարուքյանի համոզմամբ՝ ՀՀ-ԵՄ համագործակցությունը և ստորագրված համաձայնագիրը Հայաստանի համար շատ կարևոր նշանակություն ունեն, սակայն պետք է հստակ տարանջատել մեկ հանգամանք․ քաղաքացիական հասարակությունը չպետք է համախմբվի Կառավարության շուրջ:
«Չպետք է համախմբվի իմ կամ այսօրվա իշխանության շուրջ, այլ պետք է իր դերը տանի։ Քաղաքացիական հասարակության դերն այսօր ավելի անկախ է, մենք ունենք մի իրավիճակ, որ չունենք ֆորմալ ընդդիմություն, իսկ քաղհասարակության անդամները ներգրավվում են տարբեր պաշտոններում: Ես ևս հորդորում եմ, որ նրանք իրենց աառաքելությունն իրականացնեն»,- ասաց պատգամավորը՝ ընդգծելով, որ միայն այդ պարագայում է, որ մենք կարող ենք ունենալ արդար դատական համակարգ և քաղհասարակության կողմից մշտապես հսկվող իշխանություն։
Էդմոն Մարուքյանի խոսքով՝ քաղաքացիական հասարակությունն այս պահին ընդդիմություն է, քանի դեռ չենք կազմակերպել ազատ և արդար ընտրություններ»,- ասաց Էդմոն Մարուքյանը՝ նշելով, որ կարևոր են նաև ամենօրյա ռեժիմով կատարվող բարեփոխումները՝ քաղհասարակության կայացման համար։
Մանրամասները՝ տեսանյութում։
