18.12.2025 | 22:01
«Ավելի շատ նեղվածությունից այսպես եղավ»․ Տեր Վրթանեսին ստենտավորել են
Բաքուն նյարդային է արձագանքել Հայաստան երկու տարով ԵՄ առաքելություն գործուղելուն
Քաղաքականություն
24.01.2023 | 11:31
Պաշտոնական Բաքուն արձագանքել է Հայաստան ԵՄ քաղաքացիական առաքելություն ուղարկելու Բրյուսելի որոշմանը։
«ԵՄ ներկայացուցիչների հետ տարբեր մակարդակներում անցկացված մի շարք խորհրդակցությունների ընթացքում Ադրբեջանը հայտարարել է, որ ԵՄ առաքելության ներկայությունը Հայաստանում չպետք է պատրվակ ծառայի Հայաստանի համար՝ խուսափելու իր պարտավորությունների կատարումից», – ասվում է Ադրբեջանի ԱԳՆ հայտարարության մեջ։
ԲԱցի այդ նշվում է, որ «ԵՄ առաքելության ներկայության չարաշահումը վտանգավոր է գոյություն ունեցող երկխոսության մեխանիզմների համար և դրանից պետք է խուսափել»։
Ըստ Բաքվի՝ առաքելության ներկայությունը չպետք է օգտագործվի «խաթարելու Ադրբեջանի և Հայաստանի միջև հարաբերությունների կարգավորման գործընթացը, ներառյալ սահմանների սահմանազատման գործընթացը, որը պետք է իրականացվի երկկողմանի հիմունքներով»:
Բացի այդ Ադրբեջանը պահանջ է ներկայացնում Բրյուսելին, որ առաքելության տեղակայումը պետք է ապահովվի համապատասխան ձևով՝ «հաշվի առնելով Ադրբեջանի օրինական շահերը, այս առաքելության գործունեության իրականացումը չպետք է խաթարի փոխադարձ վստահությունը»։
Բաքուն նաև դժգոհել է, թե իբր Հայաստանում երկամսյա առաքելությունը խնդիրներ է առաջացրել։ Մասնավորապես, Ադրբեջանի ԱԳՆ-ն նշում է, որ 2022 թվականի հոկտեմբերի 6-ին Պրահայում կայացած հանդիպմանը Ադրբեջանը համաձայնել է Հայաստանում ԵՄ դիտորդական առաքելություն տեղակայմանը՝ հուսալով, որ դա կօգնի Բաքվի և Երևանի միջև հարաբերությունների կարգավորման գործընթացին, սակայն իբր «չնայած ամենաբարձր մակարդակով համաձայնեցված երկամսյա առաքելության հստակ սահմանված պարամետրերին և նպատակներին, դիտորդական առաքելության գործունեությունն ուղեկցվել է Պրահայում ձեռք բերված պայմանավորվածություններից լուրջ շեղումներով՝ պայմանավորված ԵՄ անդամ որոշ երկրների կողմնակալ մոտեցմամբ։
Բաքուն, ինչպես միշտ Հայաստանին անհիմն մեղադրել է երեք ուղղություններով կարգավորման գործընթացի տապալման մեջ, այդ թվում՝ Հայաստանի, Ադրբեջանի ու Եվրոպայի խորհրդի նախագահի եռակողմ հանդիպման, որին հրաժարվել էր մասնակցել հենց ադրբեջանական կողմը։
Էմմա Չոբանյան
