25.06.2026 | 16:36
Մակրոնը հայտնել է Սիցիլիայի ափերի մոտ ռուսական «ստվերային նավատորմի» լցանավի կալանման մասին. ՏԵՍԱՆՅՈՒԹ
Եթե Ադրբեջանը 120 հազար մարդու սովահար չի անում, ապա ինչո՞ւ է մերժում միջազգային փաստահավաք առաքելությանը․ Էդմոն Մարուքյան
Քաղաքականություն
23.01.2023 | 11:02
ՀՀ հատուկ հանձնարարություններով դեսպան Էդմոն Մարուքյանը թվիթերյան գրառմամբ անդրադարձել է Լաչինի միջանցքի շրջափակմանն ու հարց ուղղել Ադրբեջանին։
«Լաչինի միջանցքը 43 օր շրջափակված է Ադրբեջանի կողմից։ Ալիևը շարունակում է միջազգային բոլոր գործընկերներին վստահեցնել, որ միջանցքը բաց է, և որ Ադրբեջանը էթնիկ զտումների իր քաղաքականությամբ 120 հազար մարդու սովահար չի անում։ Եթե դա ճիշտ է, ինչո՞ւ է Ադրբեջանը մերժում միջազգային փաստահավաք առաքելությանը»,- գրել է Մարուքյանը։
Հիշեցնենք, որ միջանցքի փակ լինելու հետևանքով Արցախում հումանիտար ճգնաժամ է։ Ադրբեջանը կոպտորեն խախտում է նոյեմբերի 9-ի եռակողմ հայտարարության 6-րդ պարբերությունը, իսկ Ռուսաստանն, ըստ էության, չի կատարում հայտարարությամբ ստանձնած Լաչինի միջանցքով անխափան հաղորդակցություն ապահովելու իր պարտավորությունը։
Անահիտ Խաչատրյան
