Վերլուծաբանները չեն բացառում, որ Մոսկվան նոր միգրացիոն ճգնաժամ կհրահրի Բելառուսի օրինակով

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

2022 թվականին Եվրամիության արտաքին սահմաններին արձանագրվել է 330 հազար սահմանի հատում, որը նախորդ տարվա համեմատ կտրուկ աճել է 64 տոկոսով, հաղորդում է Եվրոպական սահմանային և առափնյա պահպանության Frontex գործակալությունը: Այդ թիվը, սակայն, չի ներառում միլիոնավոր ուկրաինացի փախստականներին:

Ամերիկայի ձայնը գրում է, որ սիրիացիները, աֆղանները և թունիսցիները միասին կազմում էին անկանոն ներգաղթի գրեթե կեսը: Մեծ թվով ներգաղթյալներ են եղել նաև Եգիպտոսից, Բանգլադեշից և Նիգերիայից։

«Անվտանգության հետ կապված իրավիճակը և տնտեսական խնդիրներն այդ երկրների և տարածաշրջանների մեծ մասում էլ ավելի են վատթարացել անցյալ տարվա ընթացքում»,- պնդում է Միգրացիոն քաղաքականության մշակման միջազգային կենտրոնից Մարտին Հոֆմանը։

Անկանոն ժամանումների մեծ մասը բաժին է ընկել Արևմտյան Բալկանյան և Կենտրոնական միջերկրածովյան երթուղիներին դեպի Իտալիա:

Իտալիայի կառավարությունն այս ամիս ընդունեց ապաստանի մասին մի շարք նոր օրենքներ, որոնք ըստ մարդասիրական կազմակերպությունների, որոնց թվում են «Բժիշկներն առանց սահմանների», դժվարացնում են ներգաղթյալների փրկության գործընթացը ծովում և նրանց ափ դուրս բերելը:

Հունաստանը նույնպես ճնշում է գործադրում ներգաղթյալներ փրկող կազմակերպություններին: Քաղաքական վերաբերմունքը ներգաղթյալների հանդեպ փոխվել է Ուկրաինայի պատերազմի հետ մեկտեղ, ասում է վերլուծաբան Կամինո Մորտերա-Մարտինեզը։

«Այս պահին Եվրոպայում ընդհանուր դիսկուրսը նման է հետևյալին. «Լավ, մենք գործ ունենք փախստականների զանգվածային ճգնաժամի հետ մեր հարևանությամբ: Ինչու՞ պետք է մեր ուսերին վերցնենք բոլոր հակամարտությունները աշխարհի այլ մասերից»,- Եվրոպական բարեփոխումների կենտրոնից Կամինո Մորտերա-Մարտինեզը:

13 միլիոն ուկրաինացի փախստականներ մուտք են գործել Եվրամիություն Ռուսաստանի ներխուժման սկզբից ի վեր: Մոտ տասը միլիոն հատումներ են գրանցվել նաև Եվրոպայից դեպի Ուկրաինա:

«Մենք տեսնում ենք, որ քաղաքացիական ենթակառուցվածքների վրա հարձակումները Ռուսաստանի ռազմավարության մաս են կազմում, և մինչ այժմ դրանք արտահոսքի ավելացման չեն հանգեցրել։ Կա ուկրաինական հասարակության և տնտեսության ուշագրավ տոկունություն։ Բայց կան, իհարկե, պոտենցիալ անկման կետեր, որտեղ իրավիճակը դառնում է անտանելի ավելի մեծ բնակչության համար, և այդ ժամանակ մենք կարող ենք տեսնել աճ»,- ասում է Մարտին Հոֆմանը Միգրացիոն քաղաքականության մշակման միջազգային կենտրոնից:

Ըստ Հոֆմանի՝ ուկրաինացի փախստականները սկսում են ավելի ինտեգրվել Եվրոպայի աշխատաշուկային:

«Առաջին տարին [ապաստան հայցողների համար] տարրական կողմնորոշման տարի էր՝ սեփական կյանքի հիմունքները ինչ-որ կերպ կարգավորելով, ներառյալ կացարանի խնդիր, երեխաների դպրոց, առողջապահություն և այլ հարցեր: Այսպիսով, իրական մուտքն աշխատաշուկա սովորաբար սկսվում է միայն երկրորդ և երրորդ տարուց»,-նշում է Հոֆմանը:

Մինչդեռ ԵՄ-ը Բելառուսին մեղադրում է 2021 թվականից ի վեր «պետական կազմակերպված միգրացիա» իրականացնելու մեջ, որտեղ միգրանտներին խրախուսում են խախտել Լեհաստանի հետ սահմանը: ԵՄ-ը զգուշանում է Ռուսաստանի կողմից նույն մարտավարությունից:

«Կրեմլն ավելացրել է թռիչքների թիվը Մերձավոր Արևելքի և Հյուսիսային Աֆրիկայի որոշ երկրների և Կալինինգրադի միջև, հավանաբար՝ մեկ այլ ճգնաժամ ստեղծելու մտադրությամբ»,- կարծում է Կարմինո Մորտերա-Մարտինեզը:

Հաջորդ ամիս տեղի կունենա հատուկ գագաթնաժողով, որի նպատակն է համաձայնեցնել միգրացիայի վերաբերյալ ԵՄ ընդհանուր քաղաքականությունը։ Դիտորդներն ասում են, որ անդամ պետությունների միջև երկարատև տարաձայնությունները նշանակում են, որ այս հարցում չկա առաջընթաց: