16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
ԵՄ-ն նոր պատժամիջոցներ է մշակում Ռուսաստանի դեմ․ Շառլ Միշել
Քաղաքականություն
20.01.2023 | 11:56
Եվրոպական խորհրդի նախագահ Շառլ Միշելը հայտարարել է, որ Եվրամիությունը կշարունակի Ռուսաստանի դեմ պատժամիջոցների նոր փաթեթներ մշակել՝ չնայած այն հանգամանքին, որ Եվրոպայում այս թեմայի շուրջ բանավեճը գնալով ավելի բարդ է դառնում, գրում է BBC-ի ռուսական ծառայությունը։
«Պատժամիջոցների մասին յուրաքանչյուր քննարկում շատ ավելի բարդ է, քան նախորդը», – հինգշաբթի օրը լրագրողներին ասել է Միշելը Կիև կատարած այցի ժամանակ։
Միշելը չհայտարարված այց է կատարել Կիև՝ նախապատրաստելու փետրվարի 3-ին նախատեսված Ուկրաինա-ԵՄ գագաթնաժողովը։
«Համոզված եմ, որ դա ուժեղ ազդանշան կլինի, որ մենք միասնական ենք, մենք նաև կորոշենք, թե որոնք են հաջորդ քայլերը, որոնք են ընդհանուր նպատակները»,- ասել է Միշելը՝ հավելելով, որ ընդհանուր առմամբ պատժամիջոցները պետք է խստացվեն և ներգրավվեն ավելի շատ երկրներ։
Տաթև Ֆռանգյան
