07.08.2026 | 14:47
Սուր աղիքային վարակ նախնական ախտորոշմամբ ԲԿ է տեղափոխվել երեք անձ. «Բամբու» բար-ռեստորանում ստուգում է իրականացվում
Խաղաղ պայմաններում նման կորուստ ունենալը անընդունելի է. Սեյրան Օհանյան․ ՏԵՍԱՆՅՈՒԹ
Հասարակություն
19.01.2023 | 11:51
«Զորամասում հրդեհի համար պատասխանատվություն են կրում անձինք, ովքեր պատասխանատու են եղել հակահրդեհային անվտանգության հետ կապված կանխարգելիչ միջոցառումների անցկացման համար: Պատասխանատվություն են կրում նաև բարձրաստիճան զինվորականներն ու պաշտոնյաները»,- այս մասին ԱԺ-ում ճեպազրույցի ժամանակ նշեց «Հայաստան» խմբակցության ղեկավար, պաշտպանության նախկին նախարար Սեյրան Օհանյանը՝ անդրադառնալով Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհին, որի հետևանքով 15 զինծառայող է զոհվել։
«Սա ցավալի միջադեպ է։ Մենք եթե ունենում ենք զոհեր և կորուստներ մարտական գործողությունների ժամանակ՝ հայրենիքի պաշտպանության ժամանակ, դա դեռ կարելի է ինչ-որ կերպ հասկանալ․ առանց անձնազոհության ու հերոսության անհնար է ապահովել հայրենիքի պաշտպանությունը, բայց համեմատաբար խաղաղ պայմաններում, ռազմական գործողություններից դուրս նման կորուստներ կրելն ուղղակի անթույլատրելի է։ Մեր ժողովրդի համար դա անթույլատրելի է»,-նշեց Օհանյանը։
Մանրամասները՝ տեսանյութում։
