05.11.2024 | 20:40
Վալենսիան 31,4 միլիարդ եվրո է պահանջում կենտրոնական իշխանություններից ջրհեղեղից տուժածների համար
ՌԴ զինված ուժերի թվաքանակը կհասցվի 1,5 մլն մարդու․ Շոյգուն հայտնել է բանակում լայնածավալ բարեփոխումների մասին
Քաղաքականություն
17.01.2023 | 17:51
ՌԴ պաշտպանության նախարար Սերգեյ Շոյգուն խորհրդակցություն է անցկացրել՝ նվիրված դեկտեմբերի վերջին հայտարարված բանակի բարեփոխմանը, որը, ի թիվս այլ բաների, նախատեսում է զինված ուժերի թվաքանակի ավելացում՝ մինչև 1,5 միլիոն մարդ, գրում է Meduza-ն։
Խորհրդակցության ժամանակ Շոյգուն հայտարարել է, որ « զինված ուժերի լայնածավալ բարեփոխումները, դրանց թվակազմի ավելացումը, ՌԴ ռազմավարչական բաժանման փոփոխություններն» իրականացվելու են 2023-2026 թվականների ընթացքում։
Նա նշել է, որ բարեփոխումների ընթացքում նախատեսվում է ձևավորել Կարելիայի Հանրապետությունում բանակային կորպուս, երեք մոտոհրաձգային դիվիզիա Ցամաքային զորքերի կազմում և երկու օդադեսանտային դիվիզիա՝ Օդադեսանտային զորքերում, վերակազմավորել մոտոհրաձգային ստորաբաժանումների յոթ մոտոհրաձգային բրիգադներ Արևմտյան, Կենտրոնական, Արևելյան ռազմական շրջաններում և Հյուսիսային նավատորմում, «ստեղծել զինված ուժերի երկու նոր միջտեսակային ռազմավարական տարածքային միավորումներ՝ Մոսկվայի և Լենինգրադի ռազմական շրջանները, ինչպես նաև ՌԴ նոր սուբյեկտների տարածքներում ինքնաբավ զորքերի խմբավորումներ»:
Շոյգուն նաև հայտարարել է, որ նախատեսվում է «ավելացնել զորավարժարանների թիվը ռազմական շրջաններում և Ռուսաստանի նոր միավորների տարածքներում, կազմակերպել նրանց պատրաստումը՝ ապահովելու զորքերի գործնական գործողությունները, որոշել ռազմական բուհերում կուրսանտների և ուսանողների պատրաստման ծավալը»։
Էմմա Չոբանյան
