18.05.2024 | 22:23
Աշխաբադում բացվել է Սայաթ-Նովայի արձանը
Իրանի ԱԳ նախարարը Թուրքիայում քննարկելու է նաև Հարավային Կովկասի զարգացումները
Քաղաքականություն
17.01.2023 | 13:58
Իրանի ԱԳ նախարար Հոսեյն Ամիր Աբդոլահիանը ծրագրում է այսօր Թուրքիա կատարելիք այցի օրակարգում ներառել Արևմտյան Ասիայի ու Լևանտի (Միջերկրածովյան տարածաշրջանի արևելյան հատվածի երկրների ընդհանուր անվանումը) զարգացումները, գրում է IRNA գործակալությունը։
Աբդոլահիանն Անկարա մեկնելուց առաջ լրագրողների հետ զրույցում ասել է, որ Սիրիայի և Լիբանանի պաշտոնյաների հետ բանակցություններից հետո Թուրքիա իր այսօրվա այցի ընթացքում քննարկվելու են Լևանտի և Արևմտյան Ասիայի զարգացումները։
Նա նշել է, որ նախատեսել է այցելել և՛ Մոսկվա, և՛ Անկարա՝ որոշակի տարածաշրջանային զարգացումների պատճառով, սակայն ՌԴ այցն ավելի ուշ է լինելու։
Իրանի ԱԳ նախարարն ասել է, որ Անկարա այցի ընթացքում կվերանայվի երկկողմ հարաբերությունների վերջին իրավիճակը՝ հավելելով, որ Ռեջեփ Թայիփ Էրդողանն իր իրանցի գործընկեր Էբրահիմ Ռաիսիին հրավիրել է այցելել Թուրքիա, ուստի նախնական համակարգումը կկատարվի բարձրաստիճան մակարդակով։
Ըստ Աբդոլահիանի՝ թուրքական ու իրանական կողմերը պատրաստվում են բանակցություններ վարել նաև Հարավային Կովկասում վերջին զարգացումների ու այլ կարևոր հարցերի շուրջ՝ կապված տարածաշրջանային անվտանգության գործում իրենց նշանակալի դերի հետ։
Էմմա Չոբանյան
