26.02.2026 | 23:14
Դավոսի Համաշխարհային տնտեսական ֆորումի նախագահը հրաժարական է տվել Էփշտեյնի հետ կապերի պատճառով
Պուտին-Էրդողան հեռախոսազրույց է տեղի ունեցել
Քաղաքականություն
16.01.2023 | 19:13
ՌԴ նախագահ Վլադիմիր Պուտինը հեռախոսային բանկացություններ է անցկացրել Թուրքիայի նախագահ Ռեջեփ Թայիփ Էրդողանի հետ։ Կրեմլի մամուլի ծառայության հաղորդմամբ՝ երկու կողմերը վերահաստատել են իրենց հանձնառությունը ռուս-թուրքական համագործակցության հետագա համակողմանի զարգացման հարցում։ Առաջնահերթությունների թվում է համագործակցությունն էներգետիկ ոլորտը, ներառյալ՝ ռուսական բնական գազի մատակարարումը և Թուրքիայի տարածքում տարածաշրջանային գազային հանգույցի ստեղծումը։
Ուկրաինայի շուրջ ստեղծված իրավիճակի հարցով մտքերի փոխանակումը շարունակվել է։ Մասնավորապես, թուրքական կողմի նախաձեռնությամբ և Անկարայում Ռուսաստանի և Ուկրաինայի մարդու իրավունքների հանձնակատարների վերջին շփումները հաշվի առնելով՝ անդրադարձ է եղել գերիների, առաջին հերթին՝ վիրավորների փոխանակման հարցին։
Կողմերը դիտարկել են նաև 2022 թվականի հուլիսի 22-ի Ստամբուլի «փաթեթային» համաձայնագրերի իրականացումը Սև ծովի նավահանգիստներից ուկրաինական հացահատիկի արտահանման և Ռուսաստանից սննդամթերքի ու պարարտանյութերի մատակարարումների ապաշրջափակման վերաբերյալ։
Բացի այդ, երկու երկրների նախագահները քննարկել են թուրք-սիրիական հարաբերությունների կարգավորման հարցերը, այդ թվում՝ Ռուսաստանի, Թուրքիայի և Սիրիայի ներկայացուցիչների մասնակցությամբ խորհրդակցություններ սկսելու՝ Անկարայի նախաձեռնության համատեքստում։ Նշվել է նաև Ռուսաստանի, Թուրքիայի և Իրանի համատեղ աշխատանքի նշանակությունը սիրիական կարգավորմանն օժանդակելու հարցում՝ Աստանայի գործընթացի շրջանակում։
Էմմա Չոբանյան
