Քաղաքականություն
16.01.2023 | 19:44
Ուկրաինային Leopard տանկերի մատակարարման վերաբերյալ Ֆինլանդիայի դիրքորոշումը կախված է Գերմանիայի որոշումից: Այս մասին հայտարարել է Ֆինլանդիայի պաշտպանության նախարար Միկո Սավոլան՝ հավելելով, որ գերմանական արտադրության տեխնիկայի արտահանման համար անհրաժեշտ է Բեռլինի թույլտվությունը, գրում է BBC-ի ռուսական ծառայությունը։
Հունվարի 5-ին Ֆինլանդիայի պաշտպանության նախկին նախարար Անտի Կայկոնենը MTV Uutisille լրատվականին տված հարցազրույցում ասել էր, որ Ֆինլանդիան կարող է իր Leopard 2 տանկերի մի մասը փոխանցել Ուկրաինային, եթե եվրոպական երկրներից որևէ մեկը նույնն անի:
«Եթե Եվրոպան Ուկրաինային տանկեր փոխանցելու հարցում առաջ գնա, ապա Ֆինլանդիան ևս պետք է դրան մասնակցի։ Իհարկե, մենք չեն կարող տալ շատ, քանի որ մեզ համար, որպես ՌԴ-ին սահմանակից երկիր, սեփական պաշտպանունակությունը միշտ առաջնահերթություն է»,- ասել էր նա։
Էմմա Չոբանյան
