18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Էրդողանը Հունաստանին կրկին սպառնացել է ներխուժմամբ
Քաղաքականություն
16.01.2023 | 16:25
Թուրքիայի նախագահ Ռեջեփ Թայիփ Էրդողանը կրկին սպառնացել է Հունաստանին, գրում է Greek City Times-ը։
«Հունաստանն ամեն օր մտահոգություն է առաջացնում մեր սահմաններին։ Քանի դեռ Հունաստանն իրեն լավ է պահում, մենք գործ չունենք, և նա չպետք է վախենա հրթիռներից»,- ասել է Էրդողանը։
Նա խոսել է նաև Հունաստանի կողմից, իբր, PKK-ին և FETÖ-ին աջակցելու մասին։
«Մենք կարող ենք և կգանք հանկարծակի մի գիշեր»,- հերթական անգամ կրկնել է Էրդողանը։
Ի դեպ, այս հայտարարությունն ասվել է նաև 1974 թվականին Կիպրոս ներխուժումից առաջ, իսկ վերջին ժամանակներում բազմիցս կրկնում է Թուրքիայի նախագահը։
Նա հավելել է, որ «նրանք չեն կարողանում հանդուրժել փաստը, որ Անկարան կարող է նախագծել և սեփական արտադրանքը տալ պաշտպանական արդյունաբերության ոլորտում»։
Էմմա Չոբանյան
