07.06.2026 | 13:37
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
Օդանավակայանի ընդլայնման ներդրումային ծրագիր է առաջարկվել՝ 350 մլն դոլարի․ փոխնախարար․ ՏԵՍԱՆՅՈՒԹ
Տնտեսություն
16.01.2023 | 11:06
Ընթանում է ԱԺ 8-րդ գումարման 5-րդ նստաշրջանի հերթական քառօրյան։ Օրակարգում ներառված է 25 հարց։
ԱԺ նիստի ընթացքում ՀՀ ՏԿԵ նախարարի տեղակալ Արմեն Սիմոնյանը հայտնեց, թե Հայաստանի օդանավակայաններում 2022 թվականին որքան ուղևորներ են սպասարկվել։
«2022 թվականին ՀՀ օդանավակայաններից մեկնած ու ժամանած ուղևորների թիվն աննախադեպ է՝ կազմելով 3 միլիոն 697 հազար 539 ուղևոր, որոնցից ՌԴ ավիաընկերություններով՝ 1 միլիոն 458 հազար 718 ուղևոր է տեղափոխվել, հայկական ավիաընկերություններով՝ 916 հազար 524 ուղևոր, իսկ այլ երկրների ավիաընկերություններով 1 միլիոն 322 հազար ուղևոր է տեղափոխվել»,- ասաց փոխնախարարը։
Ողջ ուղևորահոսքից առաջին տեղում «Fly One» ընկերությունն է՝ 458 հազար 500 ուղևորով, 2-րդ տեղում ռուսական «Azimuth»-ն է, 3-րդում «Aeroflot»-ն է, 4-րդը՝ ռուսական «Red Wings»-ը, 5-րդը ՝ «Armenia» ավիաընկերությունը, հետո՝ «Utair»-ը, «Wizz Air»-ը, «Russian» ավիաընկերությունները, «Fly Dubai»-ը ու «Hahn Air»-ը:
Անդրադառնալով «Զվարթնոց» օդանավակայանի ընդլայնման վերաբերյալ հարցին՝ Սիմոնյանը հայտնեց, որ առաջարկվել է ներդրումային ծրագիր մոտակա 5 տարիների համար։
«Խոսքը 350 միլիոն դոլարին համարժեք դրամի մասին է»,- նշեց Սիմոնյանը` հավելելով, որ հարցը քննարկվել է Հանրային ներդրումային կոմիտեում, պայմանագրի հետ կապված որոշակի հարցեր կան, որոնք պետք է ուսումնասիրվեն։
Մանրամասները՝ տեսանյութում։
