16.12.2025 | 15:10
ՀՀ ՊՆ-ն ԵՄ-ից 20 մլն եվրո կստանա // Թրամփը BBC-ից 5 մլրդ դոլար է պահանջում․ ԼՈՒՐԵՐ
Լաչինի միջանցքը պետք է բացվի. Ֆրանսիայի ԱԺ նախագահ․ ՏԵՍԱՆՅՈՒԹ
Քաղաքականություն
13.01.2023 | 15:21
Ֆրանսիան չէ, որ պետք է որոշի, թե ինչ կարգավիճակ կարող է ունենալ Լեռնային Ղարաբաղը տարածաշրջանում։ Երևանում ԱԺ նախագահ Ալեն Սիմոնյանի հետ համատեղ ասուլիսում այս մասին հայտարարեց Ֆրանսիայի ԱԺ նախագահ Յաել Բրաուն-Պիվեն` պատասխանելով միջազգային ԶԼՄ-ներից մեկի ներկայացուցչի հարցին, թե Ֆրանսիայի տեսանկյունից ի՞նչ կարգավիճակ է նախատեսելի ԼՂ-ի համար՝ խաղաղ կարգավորման համատեքստում։
«Մեր դիրքորոշումը շատ հստակ է՝ մենք այսօր չենք ճանաչել Լեռնային Ղարաբաղի անկախությունը, և կարգավիճակը չպետք է Ֆրանսիայի կողմից սահմանվի, այն պետք է սահմանվի միջազգային իրավունքի շրջանակներում՝ տարբեր ժողովուրդների կողմից, հակամարտության տարբեր կողմերի կողմից», – ընդգծեց Յաել Բրաուն-Պիվեն։
Ի պատասխան հարցի, թե երբ 120 000 մարդ շրջափակված է, միջազգային իրավունքն ի՞նչ է ասում, Յաել Բրաուն-Պիվեն նշեց․ «Միջազգային իրավունքն ասում է, որ կա միջանցք, որը պետք է բացվի, մարդկանց տեղաշարժը պետք է վերականգնվի»։
«Դուք ասացիք, որ քանի դեռ խաղաղ բանակցությունների հնարավորությունը սպառված չէ, պետք է նպաստել երկխոսությանը։ Նման իրավիճակում քաղաքական բանակցություն կարո՞ղ է շարունակվել»,- այս հարցին ի պատասխան Ֆրանսիայի ԱԺ նախագահը պնդեց իր տեսակետը․ «Պետք չէ հրաժարվել երկխոսությունից և պետք է միշտ փորձել գտնել խաղաղ կարգավորում»։
«Ֆրանսիան պահանջում է անմիջապես բացել միջանցքը, որպեսզի բացվի կենսական ճանապարհը, ու դա պետք է հնարավորինս արագ իրականացվի»,-ընդգծեց Յաել Բրաուն-Պիվեն։
Մանրամասները՝ տեսանյութում։
