14.09.2026 | 19:22
Պապիկյանը և Ֆրանսիայի դեսպանը քննարկել են գործակցության հեռանկարներին առնչվող հարցեր
PKK-ն ականներ է դնում Շվեդիայի՝ ՆԱՏՕ-ին միանալու ճանապարհին․ Չավուշօղլուն՝ Ստոկհոլմում Էրդողանի խամաճիկը կախելու մասին
Քաղաքականություն
13.01.2023 | 22:16
Թուրքիայի ԱԳ նախարար Մևլութ Չավուշօղլուն անդրադարձել է Ստոկհոլմում տեղի ունեցած ակցիային, որի ժամանակ ոտքերից կախել են Թուրքիայի նախագահ Ռեջեփ Թայիփ Էրդողանի խամաճիկը, գրում է Անադոլու գործակալությունը։
«PKK/YPG-ն ականներ է դնում Շվեդիայի՝ ՆԱՏՕ-ին անդամակցելու ճանապարհին։ Շվեդիայի ընտրությունն է՝ մաքրել այդ ականները կամ միտումնավոր ոտքը դնել դրանց վրա»,- ասել է Չավուշօղլուն TRT Haber եթերում՝ խոսելով Շվեդիայում PKK-ի կողմնակիցների ակցիայի մասին։
«Ահաբեկչական PKK/YPG կազմակերպությունը թշնամական քարոզչություն է իրականացնում։ Ահաբեկիչների թիրախը Թուրքիան է։ Նրանք իրենց սադրանքներով փորձում են կանխել Շվեդիայի անդամակցությունը ՆԱՏՕ-ին։ ԱԳՆ-ն այս հարցում իր դիրքորոշումն է հայտնել Անկարայում Շվեդիայի դեսպանին։ Մեր խոսքերը հնչեցրել է նաև Ստոկհոլմում մեր դեսպանը»,-հավելել է թուրք նախարարը։
Նա նշել է, որ Թուրքիան Շվեդիայից ակնկալում է իր պարտականությունների կատարում, այդ թվում՝ ահաբեկչության քարոզչության կանխման հարցում։
Հիշեցնենք, որ Թուրքիան նաև երկրում Շվեդիայի դեսպանին էր կանչել ԱԳՆ նշված ակցիայի պատճառով։
Էմմա Չոբանյան
