07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Մենք կանգնած ենք շատ լուրջ որոշման առջև. Ռուբեն Վարդանյան․ ՏԵՍԱՆՅՈՒԹ
Քաղաքականություն
12.01.2023 | 14:41
Այս պայքարն ավելի խորքային ու ծանր է, քան թվում է. «Արցախ․ շրջափակման մեկ ամիս» խորագրով Ստեփանակերտ-Երեւան տեսակամուրջի ընթացքում ասաց Արցախի Հանրապետության պետնախարար Ռուբեն Վարդանյանը։
«Մեր առջև դրված է 3 ճանապարհ. կա՛մ դուք ենթարկվում եք Ադրբեջանի օրենքներին և ապրում եք որպես Ադրբեջանի քաղաքացիներ, կա՛մ դուք այստեղից դուրս եք գալիս, կա՛մ պետք է հաղթահարեք պայքարի այս մարտահրավերը։ Մենք կանգնած ենք շատ լուրջ որոշման առջև. կա՛մ մեր մեջ ուժ ենք գտնում, և Հայաստանում ու աշխարհում մեր ընկերները հասկանում են, որ սա 120 հազար մարդու կյանքի իրավունքի հարցն է, ոչ թե ճգնաժամի և բլոկադայի։
Սա միայն Արցախի հարցը չէ, սա ամբողջ հայկական աշխարհի հարցն է։ Արցախը խորքային արմատն է», – ասաց պետնախարարը։
Վարդանյանն ընդգծեց՝ արցախցիներն իրավունք ունեն իրենց հողի վրա ապրելու՝ իրենց իրավունքներով և արժեքներով։
«Դրա համար անում ենք ամեն ինչ։ Սա այն Սարդարապատն է, որտեղ պետք է բոլորս միանանք և հաղթահարենք», – նշեց Վարդանյանը։
Մանրամասները՝ տեսանյութում։
