21.03.2026 | 14:44
«Ասում են` դերասանությամբ զբաղվի, մոտդ լավ ա ստացվում, բա ո՞վ քաղաքականությամբ զբաղվի, անբաննե՞րը». Մարության․ ՏԵՍԱՆՅՈՒԹ
Սննդամթերքի և ոչ ալկոհոլային խմիչքների գները 2022-ին աճել են 13 տոկոսով
Տնտեսություն
11.01.2023 | 17:09
2022 թվականի հունվար-դեկտեմբեր ամիսներին Հայաստանում գնաճը կազմել է 8,3 %: Այս մասին տեղեկանում ենք վիճակագրական կոմիտեի հրապարալած տվյալներից։
Սննդամթերքի գներ
Միայն սննդամթերքն ու ոչ ալկոհոլային խմիչքները թանկացել են 13 %-ով։ Ալկոհոլային խմիչքի, ծխախոտային արտադրատեսակների գները՝ 8.2 տոկոսով, հագուստի և կոշիկի գները՝ 9.1 տոկոսով:
2022 թ. դեկտեմբերին 2022 թ. նոյեմբերի համեմատ արձանագրվել է 2.4 % գնաճ: Հանրապետության դիտարկվող բոլոր քաղաքներում 2022 թ. դեկտեմբերին նոյեմբերի համեմատ սննդամթերքի և ոչ ալկոհոլային խմիչքների գներն աճել են 2.3-3.0 %-ով․ գնաճի ամենաբարձր ցուցանիշն արձանագրվել է ք. Արտաշատում: Մայրաքաղաքում սննդամթերքի և ոչ ալկոհոլային խմիչքների գների մակարդակն աճել է 2.3%-ով:
2022 թ. դեկտեմբերին 2021 թ. դեկտեմբերի համեմատ հանրապետությունում գրանցվել է թռչնամսի՝ 1.4%, խոզի մսի` 2.5%, գառան մսի` 5.6 % և տավարի մսի՝ 25.3 %, իսկ 2022 թ. նոյեմբերի համեմատ՝ համապատասխանաբար 0.3 %, 1.5 %, 0.6 %, 1.8 % գնաճ:
Մանկական սննդի գինը 2022 թ. դեկտեմբերին 2021 թ. դեկտեմբերի համեմատ աճել է 4.1 %-ով, թարմ կաթինը՝ 11.1 %-ով, մածնինը՝ 19.2 %-ով, պանրինը՝ 19.9 %-ով, խտացրած կաթինը՝ 30.7 %-ով, իսկ 2022 թ. նոյեմբերի համեմատ համապատասխանաբար՝ 0.6 %, 1.3 %, 0.2 %, 1.4 %, և 0.4 %-ով:
Ձվի գինը 2022 թ. դեկտեմբերին 2021 թ. դեկտեմբերի համեմատ նվազել է 6.2 %-ով, իսկ 2022 թ. նոյեմբերի համեմատ գրանցվել է 6.6 % գնաճ: 2022 թ. դեկտեմբերին 2021 թ. դեկտեմբերի համեմատ հանրապետությունում գրանցվել է հաճարի՝ 12.0 %, ձավարի՝ 13.3 %, հացի` 14.3 %, իսկ 2022թ. նոյեմբերի համեմատ համապատասխանաբար ՝ 0.2 %, 0.7 %, 0.3 % գնաճ:
Կարագի և հրուշակեղենի գները 2022 թ. դեկտեմբերին 2021 թ. դեկտեմբերի համեմատ աճել են 4.0 %-ով և 11.8 %-ով, իսկ 2022 թ. նոյեմբերի համեմատ համապատասխանաբար ՝ 0.5 %-ով և 0.3 %-ով: Դրան զուգընթաց, 2022 թ. դեկտեմբերին 2021 թ. դեկտեմբերի համեմատ հանրապետությունում գրանցվել է ալյուրի՝ 7.6 %, բրնձի՝ 7.6 %, ոսպի՝ 8.2 %, հնդկացորենի` 8.5 %, ոլոռի՝ 9.9 %, մարգարինի՝ 23.4 %, մակարոնեղենի 24.5 % գնաճ, իսկ 2022թ. նոյեմբերի համեմատ՝ համապատասխանաբար 0.6 %, 0.2 %, 1.9 %, 1.5 %, 0.6 %, 0.3 %, 0.2 % գնանկում: Շաքարի և շաքարավազի ապրանքախմբում 2022թ. դեկտեմբերին 2021 թ. դեկտեմբերի համեմատ արձանագրվել է 2.1 %, իսկ 2022 թ. նոյեմբերի համեմատ՝ 0.1 % գնանկում: 2022 թ. դեկտեմբերին 2021 թ. դեկտեմբերի համեմատ արևածաղկի բուսական յուղի գինը նվազել է 4.2 %- ով, իսկ 2022 թ. նոյեմբերի համեմատ՝ 2.1 %-ով: Բանջարեղենի ապրանքախմբում 2022 թ. դեկտեմբերին 2021 թ. դեկտեմբերի համեմատ արձանագրվել է 2.1 %, իսկ 2022թ. նոյեմբերի համեմատ՝ 13.7 % գնաճ: 2022թ. դեկտեմբերին 2021 թ. դեկտեմբերի համեմատ մրգի ապրանքախմբում գրանցվել է 10.9 %, իսկ 2022 թ. նոյեմբերի համեմատ՝ 4.7 % գնաճ:
Ոչ պարենային ապրանքների գներ
2022 թ. դեկտեմբերին 2021 թ. դեկտեմբերի համեմատ ոչ պարենային ապրանքների շուկայում արձանագրվել է 7.1 % գնաճ, իսկ 2022թ. նոյեմբերի համեմատ գների մակարդակը մնացել է անփոփոխ: Հանրապետության դիտարկվող 5 քաղաքներում 2022թ. դեկտեմբերին նոյեմբերի համեմատ գրանցվել է ոչ պարենային ապրանքների 0.9-0.1 % գնանկում, 2-ում (այդ թվում մայրաքաղաքում)՝ 0.1 % գնաճ, իսկ 4-ում գների մակարդակը նախորդ ամսվա համեմատ մնացել է անփոփոխ: 2022թ. դեկտեմբերին նոյեմբերի համեմատ հանրապետությունում արձանագրվել է բենզինի և դիզելային վառելիքի՝ համապատասխանաբար 11.3 % և 7.2 % գնանկում: 2022թ. դեկտեմբերին 2021թ. դեկտեմբերի համեմատ գրանցվել է բենզինի 14.8 % գնանկում և դիզելային վառելիքի` 13.7 % գնաճ: 2022թ. հունվար-դեկտեմբերին 2021 թ. հունվար-դեկտեմբերի համեմատ բենզինի և դիզելային վառելիքի գներն աճել են համապատասխանաբար 11.5 % և 37.1 %-ով:
Ծառայությունների սակագներ
Բնակչությանը մատուցված ծառայությունների ոլորտում 2022 թ. դեկտեմբերին 2021 թ. դեկտեմբերի համեմատ սակագներն աճել են 7.2 %-ով, իսկ 2022թ. նոյեմբերի համեմատ՝ 0.4 %-ով:
Անժելա Պողոսյան
