20.02.2026 | 11:15
Դպրոցի նկատմամբ հարուցվել և իրականացվել է վարչական վարույթ, տնօրենի տրվել է կարգադրագիր․ ՀՀ կրթության տեսչական մարմին
Եթե մենք Լաչինի հարցով դիմենք ՄԱԿ-ի ԱԽ, դա կլինի ընդդեմ Ռուսաստանի․ Նիկոլ Փաշինյան
Քաղաքականություն
10.01.2023 | 16:11
«Արցախի ժողովրդի անվտանգությունը երաշխավորելու՝ՀՀ կառավարության խոստումը ժամկետանց չէ»,- այս մասին այսօր հրավիրված ասուլիսում հայտարարեց ՀՀ վարչապետ Նիկոլ Փաշինյանը։
«Դուք հայտարարում եք, որ Ղարաբաղն ինքը պետք է բանակցի իր անվտանգության հարցով, այս դեպքում Արցախի ժողովրդի անվտանգությունը երաշխավորելու կառավարության խոստումը ժամկետա՞նց պետք է համարել, արդյոք սա ձեռքերը լվանալ չէ՞ Արցախից, այն պարագայում, երբ Ադրբեջանը դրան չի համաձայնում»,-այս հարցին ի պատասխան՝ վարչապետը նշեց. «Ոչ մի բան ժամկետանց համարել պետք չէ և չի կարելի։ Հարցն այն է, թե որևէ առաքելություն ինչ բանաձևով է իրագործվում։
Այն, ինչի մասին մենք խոսում ենք, սկսած նոյեմբերի 9-ի հայտարարության տեքստից՝ այդ հանձնառության իրականացման ճարտարապետության մասն է․․․ Լաչինի միջանցքը, համաձայն եռակողմ հայտարարության, գտնվում է ռուս խաղաղապահների վերահսկողության ներքո․․․
Մենք խոսում ենք այն մասին, որ եթե ՌԴ-ն այդ գործառույթը չի կարողանում իրականացնել, գուցե ինքը պետք է դիմի ՄԱԿ-ի Անվտանգության խորհրդին ռուս խաղաղապահներին միջազգային մանդատով օժտելու կամ Լեռնային Ղարաբաղ բազմազգ խաղաղապահ խումբ գործուղելու հարցում։ Մենք այս խոսույթը որպես ի՞նչ ենք բարձրացնում՝ այդ թվում որպես ԼՂ անվտանգության երաշխավոր երկիր․․․ Եթե մենք Լաչինի հարցով դիմենք ՄԱԿ-ի ԱԽ, դա կլինի ընդդեմ Ռուսաստանի»։
Հարցին՝ խաղաղապահների ժամկետը լրանալու դեպքում ՀՀ-ն հնարավո՞ր է դիմի ՄԱԿ-ին, Փաշինյանը պատասխանեց, որ իրավիճակից բխող որոշումներ պետք է կայացվեն․ «Կարող է դրա անհրաժեշտությունը չլինի, իրավիճակի վերլուծությունը հիմք է տալիս ասելու, որ կարող է և լինել»։
Մանրամասները՝ տեսանյութում։
