13.04.2026 | 14:16
Investor’s day. Ամերիաբանկի նախագիծը ներդրումների մասին՝ ներդրողների համար․ ՏԵՍԱՆՅՈՒԹ
Տեսել եմ՝ ոնց է լրագրողների «պարսը» հետապնդում պատգամավորին. Նիկոլ Փաշինյան․ ՏԵՍԱՆՅՈՒԹ
Հասարակություն
10.01.2023 | 15:17
«Ինձ համար սկզբունքային է, որ ՀՀ-ում օրինական գործունեությամբ զբաղվող ոչ մի մարդու, այդ թվում լրագրողների աշխատանքը չխոչընդոտվի,- այսօր հրավիրված ասուլիում նշեց վարչապետ Նիկոլ Փաշինյանը՝ անդրադառնալով լրագրողների աշխատանքը խոչընդոտելու դեպքերի վերաբերյալ դիտարկմանը։
«Սա սկզբունքային հարց է, մյուս կողմից էլ՝ լրագրողների ինքնակարգավորման մարմին պետք է գոյություն ունենա, որը թույլ կտա, որ հենց լրագրողները որոշակի կանոններ սահմանեն: Օրինակ՝ եթե մեկն ինչ-որ տեղում իր ընտանքի անդամի հետ ճաշում է, մենք ինչքա՞ն կարող ենք նրա բերանի պարունակությունը, ծամելու պրոցեսը դարձնել ուղիղ եթերի առարկա։
Ես դատապարտում եմ ցանկացած բռնություն, խոչընդոտ, բայց ուզում եմ, որ մի շարք հանգամանքներ էլ սովորական չհամարենք։
Օրինակ՝ ես մի քանի անգամ կադրեր եմ տեսել, որոնք ինձ շատ տարօրինակ են թվացել, օրինակ՝ ինչպես է լրագրողների «պարսը» հետապնդում ԱԺ պատգամավորին։ Դա նորմալ չէ, և մարդիկ էլ կարող են էմոցիոնալ վիճակում սխալներ թույլ տալ, որը նույնպես սխալ է, բայց մենք պետք է պատճառների և հետևանքների կապը իմանանք»,- նշեց Փաշինյանը։
Մանրամասները՝ տեսանյութում։
