Քաղաքականություն
09.01.2023 | 10:34
Ֆրանսիայի Ազգային ժողովի նախագահ Յաել Բրոն-Պիվեն թվիթերի իր միկրոբլոգում արված գրառմամբ տեղեկացնում է, որ պատգամավորական խմբի հետ Հայաստան է ժամանելու։
«Սուրբծննդյան տոների այս շրջանում իմ մտքերը բոլոր հայերի հետ են, որոնց ես հղում եմ հույսի և խաղաղության իմ մաղթանքները։ Հաջորդ շաբաթ ես կմեկնեմ Հայաստան՝ ԱԺ փոխնախագահ Վալերի Ռաբոյի, ԱԺ Արտաքին հարաբերությունների հանձնաժողովի նախագահ Ժան-Լուի Բուրլանժի, պատգամավոր Անն ժենետեի և Տնտեսական հարցերի հանձնաժողովի փոխնախագահ, Ֆրանսիա-Հայաստան բարեկամության խմբի նախագահ Անն-Լորանս Փեթելի հետ՝ Ֆրանսիայի Ազգային ժողովի աջակցությունը վերահաստատելու նպատակով»,- գրել է Ֆրանսիայի ԱԺ նախագահը։
ՀՀ ԱԺ նախագահ Ալեն Սիմոնյանը թվիթերյան գրառմամբ պատասխանել է Ֆրանսիայի ԱԺ նախագահին․ «Մենք Ձեզ մեծ հաճույքով ենք սպասում, Յաել Բրոն-Պիվե»։
Անահիտ Խաչատրյան
