07.05.2024 | 10:11
Հրդեհ Դեղատան փողոցում
Բրազիլիայում ցուցարարները ներխուժել են կառավարական շենքեր․ հարյուրավոր ձերբակալվածներ կան
Քաղաքականություն
09.01.2023 | 11:04
Բրազիլիայի մայրաքաղաք Բրազիլիայում, որտեղ նախկին նախագահ Ժաիր Բոլսոնարոյի կողմնակիցները ներխուժել են կառավարական շենքեր, ոստիկանությունը ձերբակալել է անկարգությունների մոտ 200 մասնակիցների, հայտնել է Բրազիլիայի արդարադատության նախարար Ֆլավիո Դինուն։ Մայրաքաղաքի դաշնային շրջանի նահանգապետ Իբանես Ռոչան ավելի վաղ հայտնել էր ավելի քան 400 մարդու բերման ենթարկելու մասին, սակայն ոստիկանությունը չէր հաստատել այս տեղեկությունը, գրում է DW-ի ռուսական ծառայությունը։
Բոլսոնարոյի կողմնակիցները, դժգոհ լինելով հոկտեմբերի վերջին կայացած նախագահական ընտրությունների արդյունքներից, հունվարի 8-ի կեսօրին ներխուժել են Ազգային Կոնգրեսի, Գերագույն դատարանի շենքեր, ինչպես նաև պետության ղեկավարի աշխատանքային նստավայրը, Պլանալտու պալատ։
Իրավապահ մարմինները շենքերի նկատմամբ վերահսկողությունը վերականգնել են միայն մի քանի ժամ անց։ Բրազիլիայի նախկին նախագահ Բոլսոնարոն դատապարտել է իր կողմնակիցների գործողությունները՝ դրանք անվանելով անօրինական։
«Խաղաղ ցույցերը ժողովրդավարության մի մասն են։ Այնուամենայնիվ, հասարակական շենքեր ներխուժումները և թալանը, որոնք տեղի են ունեցել այսօր, ինչպես նաև ձախերի կողմից 2013 և 2017 թվականներին, կանոններից դուրս են»,- գրել է քաղաքական գործիչը Twitter-ում։
Տաթև Ֆռանգյան
