16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Պուտինն ու Էրդողանը քննարկել են Ուկրաինայում և Սիրիայում ստեղծված իրավիճակը
Քաղաքականություն
05.01.2023 | 15:31
ՌԴ նախագահ Վլադիմիր Պուտինը հեռախոսազրույց է ունեցել Թուրքիայի Հանրապետության նախագահ Ռեջեփ Թայիփ Էրդողանի հետ։
Ինչպես տեղեկացնում են Կրեմլի մամուլի ծառայությունից՝ քննարկվել են առևտրատնտեսական կապերի հետագա ընդլայնմանն առնչվող հարցեր, առաջին հերթին՝ էներգետիկայի ոլորտում։
« Նշվել է ռազմավարական նշանակություն ունեցող այնպիսի համատեղ նախագծերի իրականացման առաջնահերթ նշանակությունը, ինչպիսիք են Թուրքիայում տարածաշրջանային գազային հանգույցի ստեղծումը և «Աքքույու» ԱԷԿ-ի կառուցումը»,- ասված է հաղորդագրության մեջ։
Անդրադարձ է կատարվել Ուկրաինայի շուրջ ստեղծված իրավիճակին։
«Հակամարտության քաղաքական կարգավորման նպատակով Թուրքիայի միջնորդությանը Ռեջեփ Թայիփ Էրդողանի մատնանշած պատրաստակամության լույսի ներքո Վլադիմիր Պուտինը կրկին հաստատել է լուրջ երկխոսության Ռուսաստանի բաց լինելը՝ Կիևի իշխանությունների կողմից հայտնի և բազմիցս հնչեցված պահանջների կատարման և նոր տարածքային իրողությունների հաշվառման պայմանով։
Ուկրաինական հացահատիկի արտահանման և Ռուսաստանից պարենի և պարարտանյութերի մատակարարումների ապաշրջափակման վերաբերյալ 2022 թվականի հուլիսի 22-ի ստամբուլյան պայմանավորվածությունների գործողությունը դիտարկելիս ընդգծվել է բարեխիղճ համալիր մոտեցման անհրաժեշտությունը, որը ենթադրում է ռուսական արտահանման բոլոր խոչընդոտների վերացում»,- ասված է Կրեմլի մամուլի ծառայության տարածած հաղորդագրության մեջ։
Ուշադրություն է դարձվել սիրիական կարգավորման հեռանկարներին։
«Դրական գնահատական է տրվել 2022 թվականի դեկտեմբերին Մոսկվայում Ռուսաստանի, Թուրքիայի և Սիրիայի հետախուզական ծառայությունների ղեկավարների մասնակցությամբ պաշտպանության նախարարների հանդիպմանը։ Նախագահները հույս են հայտնել, որ նման եռակողմ ձևաչափով շփումների զարգացումը կնպաստի Սիրիայի Արաբական Հանրապետությունում իրավիճակի արմատական բարելավմանը, ներառյալ նրա տարածքային ամբողջականության վերականգնումը, փախստականների խնդրի լուծումը և միջազգային ահաբեկչական կառույցների դեմ պայքարի խնդիրները»,- ասված է հաղորդագրության մեջ:
