23.11.2024 | 00:30
«Արևմտյան Ադրբեջանը» մեզ է գրգռում, բա չե՞նք մտածում, որ «Արևմտյան Հայաստանն» էլ ուրիշներին է գրգռում. Փաշինյան. ՏԵՍԱՆՅՈՒԹ
Թույլ մի տվեք, որ Ուկրաինայի պատերազմի ստվերում տեղի ունենա այն հանցագործությունը, որը կարող է հանգեցնել Հայաստանի և ԼՂ-ի անհետացմանը․ Charlie Hebdo
Քաղաքականություն
04.01.2023 | 13:50
Ուկրաինական պատերազմը ստիպել է մոռանալ Հայաստանի և Լեռնային Ղարաբաղի շուրջ տիրող սպառնալիքի մասին։ Այս մասին նշվում է ֆրանսիական հանրահայտ Charlie Hebdo ամսագրի՝ 2022 թվականի դեկտեմբերի 28-ի համարում հրապարակված հոդվածում։
«Այժմ, առավել քան երբևէ, կարևոր է մոբիլիզացվել հօգուտ հայերի։ Սա տագնապի ճիչ է և գործողության կոչ»,- գրում է պարբերականը։
Հոդվածում ընթերցողներին կոչ է արվում թույլ չտալ, որ Ուկրաինայի պատերազմի ստվերում տեղի ունենա այն հանցագործությունը, որն «այսօր-վաղը կարող է հանգեցնել Հայաստանի և Լեռնային Ղարաբաղի անհետացմանը, ինչպես 1915 թվականին նահատակվեց հայ ժողովրդի մի ստվար զանգված»։
«Ցեղասպանության իրագործումից ի վեր ավելի քան մեկ դար է, ինչ որոշակի ապացույցներով գիտենք, որ Հայաստանը և Լեռնային Ղարաբաղը խոչընդոտ են հանդիսանում Թուրքիայի և Ադրբեջանի ճանապարհին՝ Թուրքիան Կասպից ծովի և Կենտրոնական Ասիայի հետ կապելու աշխարհաքաղաքական ծրագրի իրականացման հարցում, իսկ դրա համար անհրաժեշտ է նախ ամբողջությամբ գրավել Լեռնային Ղարաբաղը, ապա՝ Սյունիքը։ «Պանթուրքիզմ» կոչվող այդ երազանքն իրականացնելու, ինչպես նաև Ադրբեջանի բնական գազից և նավթից հնարավորինս մեծ հարստություն կորզելու համար պետք է վերացնել այդ արգելքը՝ հայկական ներկայությունը Լեռնային Ղարաբաղում։ Այն մեկընդմիշտ բռնակցելուց հետո կծավալվեն դեպի հայկական Սյունիքի մարզ՝ Ադրբեջանին պատկանող Նախիջևանի հետ միանալու համար։ Եվ ահա, ճանապարհը դեպի Իզմիր և Ստամբուլ կբացվի։ Ու այն հերթական անգամ կծածկվի հայերի դիերով»,- ասվում է Charlie Hebdo-ի հրապարակման մեջ։
Անահիտ Խաչատրյան
