Քաղաքականություն
04.01.2023 | 15:32
Ռուսաստանում ԱՄՆ նոր դեսպան Լին Թրեյսին առաջիկա օրերին կժամանի Մոսկվա։ Այս մասին հայտել է Պետքարտուղարության մամուլի ծառայության ղեկավար Նեդ Փրայսը, փոխանցում է ՏԱՍՍ-ը։
«Լին Թրեյսին վերջերս հաստատվել է այդ պաշտոնում: Որքան գիտեմ՝ դեսպանն անհամբեր սպասում է իր պարտականությունների կատարմանը Մոսկվայում։ Նա նախկինում եղել է Մոսկվայում դիվանագիտական առաքելության ղեկավարի տեղակալը Մոսկվայում։ Մենք անհամբերությամբ սպասում ենք, որ դեսպանն անցնի իր պարտականությունների կատարմանը, քանի որ կարևոր է ունենալ ԱՄՆ-ը ներկայացնող դեսպաններ այլ երկրներում: Սա հատկապես կարևոր է Ռուսաստանի դեպքում, որտեղ պահպանում ենք մենք կապի ուղիները: Մենք կարծում ենք, որ կապի ուղիները կարևոր են լարվածության ժամանակ: Ես գիտեմ, որ առաջիկա օրերին դեսպանը հնարավորություն կունենա ստանձնել Մոսկվայում առաքելության ղեկավարումը»,- ասել է Փրայսը:
Հիշեցնենք, որ 2022 թվականի դեկտեմբերի 21-ին ԱՄՆ Սենատը հաստատեց Լին Թրեյսիին Ռուսաստանում ԱՄՆ դեսպանի պաշտոնում։ Թրեյսին առաջին կինն է, որը զբաղեցրում է Ռուսաստանում ԱՄՆ դեսպանի պաշտոնը։
Նշենք, որ մինչև վերջերս Լին Թրեյսին ղեկավարում էր Հայաստանում ԱՄՆ դիվանագիտական առաքելությունը։
