05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Պատժամիջոցների տակ հայտնված Yandex-ի համահիմնադիրը հայտնել է ընկերությունից հեռանալու մասին
Քաղաքականություն
30.12.2022 | 23:14
Yandex-ի համահիմնադիր և նախկին գործադիր տնօրեն Արկադի Վոլոժը հայտարարել է ընկերությունից հեռանալու մասին։ The Bell-ի հաղորդմամբ՝ Վոլոժը հրապարակել է իր հրաժեշտի գրառումը ընկերության ներքին պորտալում, փոխանցում է Meduza-ն։
«Վերջին ամիսների եռուզեռում ես ձեզ այդպես էլ հրաժեշտ չեմ տվել։ Ամանորը դա շտկելու լավ հնարավորություն է։ Ինչպես գիտեք՝ ես երկար ժամանակ չէի ղեկավարում ռուսական Yandex-ը, և այս տարի ստիպված էի ընդհանրապես թողնել ընկերությունում բոլոր պաշտոնները»,- ասվում է հաղորդագրության մեջ։
Վոլոժը նաև նշել է, որ այժմ տնօրենների խորհուրդը և ղեկավարությունը մշակում են ընկերության վերակազմավորման ծրագիր։
Հավելենք, որ Վոլոժը եվրոպական պատժամիջոցների տակ էր հայտնվել հունիսի սկզբին։ Կարճ ժամանակ անց նա լքել էր Yandex ընկերությունների խմբի տնօրենների խորհուրդը և գործադիր տնօրենի պաշտոնը, ինչպես նաև խմբի միջազգային դուստր ձեռնարկություններում ղեկավար պաշտոնները։
Էմմա Չոբանյան
