ՀՀ-ն ՀԱՊԿ-ից դուրս գալով՝ պիտի շրջադարձ կատարի․ ձգձգումը կբերի նոր կորուստների՝ տարածքային և մարդկային․ Լիլիթ Գևորգյան․ ՏԵՍԱՆՅՈՒԹ

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

2022 թվականը խիստ լարված էր ոչ միայն աշխարհում՝ Ուկրաինայի վրա ՌԴ-ի հարձակման հետևանքով, այլև Եվրոպայում առաջացած էներգետիկ խնդիրներով պայմանավորված, նաև ՀՀ-ի վրա ադրբեջանական հարձակումներ տեղի ունեցան, տարածքներ օկուպացվեցին, այդ թվում՝ Արցախի հատվածում, միջանցք փակվեց։ Արտաքին ու ներքին ինչպիսի՞ գործոններ են ծնել այս ճգնաժամերը, ինչպիսի՞ բացասական ազդեցությունների կրող է դարձել Հայաստանը։

Ռուսաստանի և ԱՊՀ հարցերով վերլուծաբան Լիլիթ Գևորգյանը Factor TV-ին տված հարցազրույցում ասում է, որ 2022-ի փետրվարից հետո տեղի ունեցած աշխարհաքաղաքական փոփոխություններն աննախադեպ էին, Երկրորդ համաշխարհային պատերազմից հետո՝ ամենաէականը։

«Սա Հայաստանի համար նշանակում է, որ եթե անգամ այն նեղ պատուհանը կար մանևրելու Արևմուտքի և ՌԴ-ի միջև, դա էլ ավարտվեց։ Հայաստանը հայտնվեց բավականին դժվար վիճակում, բայց, միևնույն ժամանակ, սա հնարավորություն է Հայաստանի համար ավելի հստակ քաղաքականություն վարելու, մանավանդ, որ ՌԴ-ն թե՛ ռազմական, թե՛ տնտեսական առումներով թուլանում է։ Այս առումով հնարավորություն է բացվում ՀՀ-ի համար աշխարհաքաղաքական նոր ընտրություն կատարելու։ Բայց ի՞նչ տեսանք ՀՀ արտաքին քաղաքականության մեջ․ դա անվճռականությունն էր, ստրատեգիայի բացակայությունը, ինչի արդյունքում ՀՀ-ն ագրեսիայի ենթարկվեց և ավելի լուրջ ճգնաժամ առաջացավ ՀՀ-ի շուրջ»,- ասաց Լիլիթ Գևորգյանը։

Ակնհայտորեն՝ 2022-ին նաև կոտրվեցին միֆեր, կարծրատիպեր, որ բուն էին դրել հայաստանյան հասարակության զգալի մասի ուղեղներում, որ ՀՀ-ն գտնվում է անվտանգային հուսալի միավորներում՝ ՀԱՊԿ, ՌԴ-ի անվտանգային հովանի։ Չնայած ՀՀ-ի դիմումներին՝ հյուսիսից չաջակցեցին Ադրբեջանի հարձակման ժամանակ, անգամ չընդունեցին, որ Ադրբեջանը հարձակվել է։

2022-ին եղան այցեր Արևմուտքից Հայաստան՝ ԱՄՆ Կենտրոնական հետախուզական վարչության, Բրիտանիայի Գաղտնի հետախուզական ծառայության ղեկավարների այցերը, Ներկայացուցիչների պալատի խոսնակ Նենսի Փելոսիի այցն էր նշանակալի։ Միաժամանակ, ՀՀ բարձրաստիճան պաշտոնյաներ եղան Վաշինգտոնում և եվրոպական մայրաքաղաքներում։ Սակայն 2022-ին ՀՀ իշխանություններն այդպես էլ չգնացին շրջադարձերի՝ ՀՀ-ն դուրս չեկավ ՀԱՊԿ-ից, ԵՏՄ-ից։

Համարժե՞ք էր ՀՀ իշխանության գործելաոճը և կորսված համարո՞ւմ եք ապահարզանի սցենարը։ Լիլիթ Գևորգյանն ասում է, որ հնարավորությունների պատուհաններն անվերջ չեն կարող բաց մնալ՝ փակվում են, և իշխանությունը պետք է շտապի, որպես առաջին քայլ՝ նախ դուրս գալով ՀԱՊԿ-ից։

«Շատ ավելի դժվար կարող է լինել՝ ավելի մեծ ռեսուրսների ներդրում կպահանջվի, ներքաղաքական կոնսուլտացիայի խնդիր կա նաև, որպեսզի նման շրջադարձ կատարվի։ Ինչքան ձգձգվում է այդ շրջադարձը, այնքան ՀՀ-ն և Արցախն ունենալու են տարածքային և մարդկային կորուստներ։ Միաժամանակ, այդքան ավելի շատ ժամանակ է տրվում Ադրբեջանին՝ իր արտաքին քաղաքականությունն ավելի բազմավեկտոր դարձնելու և իր նպատակներն առաջ տանելու՝ ՌԴ-ի հետ, նրա դեմ կամ առանց ՌԴ-ի։ Ստրատեգիայի բացակայությունից զատ՝ հայկական կողմը նաև ժամանակի ընկալման խնդիր ունի»,- ասաց վերլուծաբանը։

Հարցազրույցն ամբողջությամբ՝ տեսանյութում։

Ռոբերտ Անանյան