31.10.2026 | 16:06
Արթուր Ոսկանյանը, Հովհաննես Հակոբյանն ու Էրիկ Հովսեփյանը՝ ԱԱ բրոնզե մեդալակիրներ
Սաստիկ ձնաբուք ԱՄՆ-ում և Կանադայում․ միլիոնավոր մարդիկ մնացել են առանց էլեկտրականության․ ԼՈՒՍԱՆԿԱՐՆԵՐ
Քաղաքականություն
27.12.2022 | 11:10
Հզոր ձմեռային ցիկլոնը, որն իր հետ սաստիկ սառնամանիքներ ու առատ տեղումներ է բերել, պատել է ԱՄՆ տարածքի մեծ մասը, որտեղ ապրում է շուրջ 250 միլիոն մարդ, գրում է BBC-ի ռուսական ծառայությունը։ ԱՄՆ 12 նահանգներում գործում է արտակարգ եղանակային պայմանների մասին նախազգուշացում։
ԱՄՆ ազգային օդերևութաբանական ծառայությունը փաստում է, որ սա իրենց դիտարկումների ընթացքում գրանցված ամենամասշտաբային սառնամանիքն է, որի ազդեցության տակ է հայտնվել ԱՄՆ-ի գրեթե ողջ տարածքը։
ԱՄՆ-ում և Կանադայում եղանակային աննորմալ պայմանների հետևանքով առնվազն 56 մարդ է մահացել։ Ձնաբքի ամենասաստիկ պահին առանց էլեկտրամատակարարման է մնացել 1,7 միլիոն մարդ, հաղորդում է Associated Press-ը: Այժմ աստիճանաբար վերականգնվում է էլեկտրաէներգիայի մատակարարումը:
Ամենամեծ վնասը կրել է Նյու Յորք նահանգը, մասնավորապես, Բուֆալո քաղաքը, որին բաժին է ընկել տարերքի զոհերի մեծ մասը՝ 27 մարդ։ Նահանգի նահանգապետ Քեթի Հոկուլի խոսքով՝ Բուֆալոնը նմանվել է պատերազմական գոտու։
«Սա պատերազմ է մայր բնության հետ, և նա հարձակվում է մեզ վրա այն ամենով, ինչ ունի»,- նշել է նահանգապետը։ Զոհերի մեծ մասը գրանցվել է ճանապարհատրանսպորտային պատահարների հետևանքով։
FlightAware-ի տվյալներով՝ ուրբաթ օրը ԱՄՆ-ում չեղարկվել է մոտ 6000 չվերթ, շաբաթ օրը՝ 1200 չվերթ։
Տաթև Ֆռանգյան
