16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Այդ բյուջեն հրապարակային չի լինում. ԱԽՔ-ը՝ արտաքին հետախուզության ստեղծման մասին․ ՏԵՍԱՆՅՈւԹ
Քաղաքականություն
26.12.2022 | 23:03
«Այդ բյուջեն հրապարակային չի լինում». խոսելով արտաքին հետախուզության ստեղծման մասին՝ դեկտեմբերի 26-ին Հանրային հեռուստաընկերությանը տված հարցազրույցում նշեց Անվտանգության խորհրդի քարտուղար Արմեն Գրիգորյանը՝ անդրադառնալով «Պատիվ ունեմ» խմբակցության պատգամավոր Հայկ Մամիջանյանի դիտարկմանը, ըստ որի՝ «օրենքը լղոզված է և բյուջե չկա»։
«Դա նույնն է, որ մեզնից պահանջեն, որ ամբողջական բյուջեն հրապարակենք։ Այդ բյուջեն ունի առանձնահատկություններ, ինչը մասնագիտական համայնքի համար, համոզված եմ, լուրջ քննարկումների առարկա չի կարող դառնալ։
Ինչ վերաբերում է օրենքին, ընդդիմադիրներն ուզում են, որ այն ամբողջովին հստակ լինի, ինձ համար զարմանալի է, որ այդ քաղաքական ուժը, ունի իշխանության փորձ, բայց այդպիսի հարցեր են տալիս, թեև գիտեն, որ այդ օրենքը չի կարող մաքսիմալ հստակ լինել։ Դա հրապարակային գործունեություն չէ։
Ի դեպ, բազմաթիվ երկրներ երկար տարիներ ունեցել են այդպիսի կառույց, բայց այդ մասին երբևէ չեն հրապարակել։
Այս օրենքը լավագույնն է, որը համապատասխանում է արտաքին հետախուզուզություն ստեղծելու հետ կապված մեր կարիքներին։ Երկար տարիներ քննարկումներ ենք ունեցել և եկել ենք այս եզրակացության, կարծում եմ՝ սա լավագույն տարբերակն է»,- նշեց Գրիգորյանը՝ հավելելով՝ ակնկալում ենք ավելի լուրջ և առարկայական քննարկում ընդդիմության կողմից։
Մանրամասները՝ տեսանյութում։
